Hawala dealers

ഹവാല ഇടപാടുകാര്‍ പെട്ടു

തിരുവനന്തപുരം: ഉയര്‍ന്ന മൂല്യമുള്ള നോട്ടുകള്‍ ഒരൊറ്റ രാത്രി കൊണ്ട് പിന്‍വലിച്ചതോടെ കേരളത്തിലെ കോടികളുടെ ഹവാല പണം ഇടപാടിന് വിലങ്ങു വീണു. റിയല്‍ എസ്‌റ്റേറ്റ് - ഫ്‌ളാറ്റു കച്ചവടവും വീണുടയും. ഇല്ലാതാകേണ്ടി വന്നത് പ്രതിദിനം നൂറു കോടിയിലധികം രൂപയുടെ കുഴല്‍പണ കൈമാറ്റം. കള്ള നോട്ടു മാഫിയയും മാളത്തിലൊളിച്ചു. ഗള്‍ഫില്‍നിന്നും മറ്റു വിദേശ രാജ്യങ്ങളില്‍നിന്നും കേരളത്തിലേക്ക് കോടികള്‍ ഒഴുക്കിയിരുന്ന ഹവാല മാഫിയ കേന്ദ്ര സര്‍ക്കാരിന്റെ തീരുമാനത്തോടെ താത്ക്കാലികമായെങ്കിലും ഇന്നലെയോടെ ഏതാണ്ട് പൂര്‍ണ്ണമായി നിലച്ചു. കൈവശമുള്ള കുഴല്‍പണം നശിപ്പിച്ചു കളയുകയല്ലാതെ മറ്റൊരു മാര്‍ഗവും ഇല്ലാത്ത അവസ്ഥയിലാണ് ഹവാല ശൃംഖല.