ഫോണ്‍ വാങ്ങുന്നവര്‍ക്ക് സുവര്‍ണാവസരം; പ്രത്യേക ഓഫറുമായി ജിയോ

കൊച്ചി: ജിയോ ഫോണ്‍ വാങ്ങുന്നവര്‍ക്ക് ഇതാ സുവര്‍ണാവസരം. ഫോണ്‍ വാങ്ങുന്നവര്‍ക്ക് ജിയോ പ്രത്യേക ഓഫര്‍ പ്രഖ്യാപിച്ചു. ജിയോ ഭാരത് ഫോണുകളില്‍ മാത്രമാണ് ഓഫര്‍ ലഭ്യമാകുക. ജിയോഭാരത് ഫോണ്‍ വാങ്ങി 2 മാസത്തെ അണ്‍ലിമിറ്റഡ് 234 രൂപ പ്ലാന്‍ റീചാര്‍ജ് ചെയ്യുമ്പോള്‍ ഇതിനോടൊപ്പം തന്നെ 2 മാസത്തെ സൗജന്യ സേവനവും ലഭ്യമാകും. പുതിയതോ അല്ലെങ്കില്‍ നിലവിലുള്ളതോ ആയ ജിയോ സിമ്മില്‍ ഈ പ്ലാന്‍ ലഭ്യമാകും. 

234 രൂപ അടിസ്ഥാന പ്ലാനില്‍ ഏത് നെറ്റ് വര്‍ക്കിലേക്കും അണ്‍ലിമിറ്റഡ് കോളുകള്‍, ദിവസേന 500 എംബി ഡാറ്റ, 28 ദിവസം 300 എസ്എംഎസ് എന്നിവ ലഭിക്കും. 56 ദിവസമാണ് പ്ലാനിന്റെ വാലിഡിറ്റി. പുതിയ ജിയോഭാരത് ഫോണുകള്‍ക്കൊപ്പം ഈ പ്ലാനില്‍ 56 ദിവസങ്ങള്‍ കൂടി അധികമായി ലഭിക്കും.

ജിയോ ഭാരത് 4ജി ഫോണിന്റെ കുറഞ്ഞ മോഡലിന്റെ വില 999 രൂപയാണ്. ഈ ഫോണില്‍ യുപിഐ സേവനങ്ങ ലഭ്യമാണ്. 1299 രൂപയുടെ മറ്റൊരു മോഡലും ലഭ്യമാണ്.