സാംസങ് എഐ ഫോണിന് വില കുറഞ്ഞു

മുംബൈ :  സാംസങിന്റെ സ്വന്തം ആര്‍ട്ടിഫിഷ്യല്‍ ഇന്റലിജന്‍സായ ഗ്യാലക്സി എസ്23 എഐ ലഭ്യമാകുന്ന ഫോണിന് വില കുറഞ്ഞു. 29,999 രൂപയ്ക്കാണ് ഈ ഫോണ്‍ ഇപ്പോള്‍ വില്‍ക്കുന്നത്. 30,000 രൂപയില്‍ താഴെ വില വരുന്ന ഏറ്റവും മികച്ച സാംസങ് സ്മാര്‍ട്ട്‌ഫോണാണ് ഗ്യാലക്സി എസ്23 എഫ്ഇ എന്നാണ് വിലയിരുത്തലുകള്‍. 79,999 രൂപയ്ക്കായിരുന്നു സാംസങ് ഗ്യാലക്സി എസ്23 എഫ്ഇ പുറത്തിറക്കിയിരുന്നത്.

 ഗ്യാലക്സി എസ്24 എഫ്ഇ 59,999 രൂപയ്ക്ക് സാംസങ് അടുത്തിടെ പുറത്തിറക്കിയതോടെയാണ് ഗ്യാലക്സി എസ്23 എഫ്ഇയുടെ വില കുറഞ്ഞത്. ഇ-കൊമേഴ്സ് പ്ലാറ്റ്ഫോമായ ഫ്‌ലിപ്കാര്‍ട്ടാണ് 29,999 രൂപയ്ക്ക് ഗ്യാലക്സി എസ്23 എഫ്ഇ വില്‍ക്കുന്നത്. നോ-കോസ്റ്റ് ഇഎംഐ സൗകര്യവുമുണ്ട്. 8 ജിബി റാമും 128 ജിബി സ്റ്റോറേജുമുള്ള അടിസ്ഥാന മോഡലിന്റെ വിലയാണിത്. എക്‌സ്‌ചേഞ്ച് സൗകര്യത്തിലൂടെയാണ് ഫോണ്‍ വാങ്ങുന്നതെങ്കില്‍ വീണ്ടും വില താഴും.