/kalakaumudi/media/agency_attachments/zz0aZgq8g5bK7UEc9Bb2.png)
jio
ന്യൂഡല്‍ഹി: പുതിയ ഓഫറുമായി ജിയോ. പ്രീമിയം സ്പോര്‍ട്സ് ഒടിടി ആപ്പായ ഫാന്‍കോഡ് കോംപ്ലിമെന്ററി സബ്സ്ക്രിപ്ഷന് നല്‍കി ജിയോ. ജിയോ എയര്‍ഫൈബര്‍ & ഫൈബര്‍ , ജിയോ മൊബിലിറ്റി പ്രീപെയ്ഡ് ഉപയോക്താക്കള്‍ക്കാണ് ഈ ഓഫര്‍. ഫാന്‍കോഡിന്റെ എക്‌സ്‌ക്ലൂസീവ് ഫോര്‍മുല 1 (എ1) സ്ട്രീമിംഗ് ഉള്ളടക്കത്തിലേക്കുള്ള ആക്‌സസ് ഇതോടെ ലഭ്യമാകും.
ജിയോ എയര്‍ഫൈബര്‍ & ഫൈബര്‍, ജിയോ മൊബിലിറ്റി എന്നിവയിലുടനീളമുള്ള തിരഞ്ഞെടുത്ത പ്ലാനുകളില്‍ കോംപ്ലിമെന്ററി ആക്‌സസ് ലഭ്യമാണ്. ജിയോ എയര്‍ഫൈബര്‍ & ഫൈബര്‍ ഉപഭോക്താക്കള്‍ക്ക്, 1199 രൂപയ്ക്കും അതിനുമുകളിലുള്ള സബ്സ്ക്രിപ്ഷന് പ്ലാനുകളിലുമുള്ളവര്‍ക്ക് കോംപ്ലിമെന്ററി ഫാന്‍കോഡ് ആക്‌സസ്സ് നല്‍കും, അതേസമയം ജിയോ മൊബിലിറ്റി പ്രീപെയ്ഡ് ഉപയോക്താക്കള്‍ക്ക് നിലവിലുള്ള 398 രൂപ, 1198 രൂപ, 4498 രൂപ പ്ലാനുകളിലും എല്ലാ പുതിയ വാര്‍ഷിക പ്ലാന്‍ 3333 രൂപയ്ക്കും ആക്‌സസ് ലഭിക്കും. കൂടാതെ യോഗ്യരായ പ്ലാനുകളുടെ നിലവിലുള്ളവര്‍ക്കും പുതിയ ഉപയോക്താക്കള്‍ക്കും ഇത് ലഭ്യമാണ്.
പ്രീമിയര്‍ ക്രിക്കറ്റ് ടൂര്‍ണമെന്റുകള്‍, വനിതാ ക്രിക്കറ്റ്, തത്സമയ ഫുട്ബോള്‍, ബാസ്‌ക്കറ്റ്ബോള്‍, ബേസ്ബോള്‍, ഗുസ്തി, ബാഡ്മിന്റണ്‍, മറ്റ് പ്രധാന കായിക ഇവന്റുകള്‍ എന്നിവയുള്‍പ്പെടെ നിരവധി കായിക ഇനങ്ങളുടെ ഇന്ററാക്ടീവ് ലൈവ് സ്ട്രീമിംഗ് വാഗ്ദാനം ചെയ്യുന്ന ഒരു പ്രമുഖ സ്പോര്‍ട്സ് സ്ട്രീമിംഗ് പ്ലാറ്റ്ഫോമാണ് ഫാന്‍കോഡ്.