പ്രത്യേക അന്താരാഷ്ട്ര റോമിംഗ് പ്ലാനുമായി ജിയോ

ന്യൂഡല്‍ഹി: പുതിയ അന്താരാഷ്ട്ര റോമിംഗ് പ്ലാനുകള്‍ അവതരിപ്പിച്ച് റിലയന്‍സ് ജിയോ. യു.എ.ഇ, കാനഡ, തായ്ലന്‍ഡ്, സൗദി അറേബ്യ തുടങ്ങിയ അന്താരാഷ്ട്ര ഡെസ്റ്റിനേഷനുകളെ ലക്ഷ്യമിട്ടാണ് ജിയോ പ്രത്യേക റോമിംഗ് പ്ലാനുകള്‍ അവതരിപ്പിക്കുന്നത്. ഇന്‍കമിംഗ് എസ്.എം.എസുകള്‍ പരിധിയില്ലാതെ യു.എ.ഇയിലേക്കുള്ള പുതിയ പ്ലാനില്‍ ആസ്വദിക്കാം.

ഔട്ട്ഗോയിംഗ് കാളുകളില്‍ സന്ദര്‍ശിച്ച രാജ്യത്തിനുള്ളിലെ ലോക്കല്‍ കാളുകളും ഇന്ത്യയിലേക്ക് തിരികെ വിളിക്കുന്നതും ഉള്‍പ്പെടുന്നു. വൈഫൈ കാളിംഗ് ഉള്‍പ്പെടെ ഏത് രാജ്യത്തുനിന്നും ഇന്‍കമിംഗ് കാളുകള്‍ സ്വീകരിക്കാം.ഹൈസ്പീഡ് ഡാറ്റയും ലഭ്യമാകും. ഫെയര്‍ യൂസേജ് പോളിസിക്ക് അപ്പുറം ഇത് ആസ്വദിക്കാം. അതായത് നിങ്ങളുടെ ഡാറ്റ ക്വാട്ട തീര്‍ന്നാലും പരിധിയില്ലാത്ത ഡാറ്റ 64 കെ.ബി.പി.എസ് വേഗതയില്‍ ആസ്വദിക്കാം.

അതേസമയം വൈഫൈ കാളിംഗ് വഴിയുള്ള ഔട്ട്ഗോയിംഗ് ലോക്കല്‍, മറ്റ് രാജ്യങ്ങളിലേക്കുള്ള കാളുകള്‍ എന്നിവ അനുവദനീയമല്ല.റെസ്റ്റ് ഒഫ് ദി വേള്‍ഡ് കാളുകള്‍ക്ക് സ്റ്റാന്‍ഡേര്‍ഡ് പേഗോ നിരക്കുകള്‍ ബാധകമായിരിക്കും.898 രൂപ, 1598 രൂപ, 2998 രൂപ നിരക്കുകളിലാണ് യു.എ.ഇ പാക്കുകള്‍ ലഭ്യമാകുന്നത്.പുതിയ പ്ലാനുകളില്‍ കരീബിയന്‍ മേഖലയിലെ 24 രാജ്യങ്ങള്‍ ഉള്‍പ്പെടുന്നു. 3851 രൂപയുടെ പ്ലാനെടുത്താല്‍ അധിക ഇന്‍ഫ്ളൈറ്റ് ആനുകൂല്യങ്ങളും ലഭ്യമാകും. 1671 രൂപ, 3851 രൂപ നിരക്കുകളിലാണ് കരിബിയന്‍ പ്ലാനുകള്‍ ലഭ്യമാകുക.