ലോകകപ്പ് യോഗ്യത മത്സരം; ബൂട്ടുകെട്ടാനൊരുങ്ങി മറ്റൊരു മലയാളിയും, കളത്തിലിറങ്ങുന്നത് ഖ​ത്ത​ർ ജഴ്സിയിൽ!

ദോ​ഹ: ഖത്തറിന്റെ ലോകകപ്പ് യോഗ്യത മത്സരത്തിനുള്ള ടീമിൽ ഇടംപിടിച്ച് മറ്റൊരു മലയാളി കൂടി. കണ്ണൂർ സ്വദേശിയായ ത​ഹ്​​സി​ൻ മു​ഹ​മ്മ​ദ്​ ജം​ഷി​ദ്​ എ​ന്ന 17കാ​ര​നാണ്  29 അംഗ ടീമിൽ ഇടം നേടിയത്. മുന്നേറ്റ നിരയിലും ഇടത് വിംഗിലുമാണ് തഹ്‌സിൻ കളിക്കുന്നത്. ദോഹയിൽ ജൂൺ11 ന് ഇന്ത്യക്കെതിരെയാണ് ഖത്തറിന്റെ മത്സരം. ജൂനിയർ ടീമിന് വേണ്ടി ഖത്തറിൽ ബൂട്ടണിഞ്ഞിട്ടുണ്ടെങ്കിലും ഇതാദ്യമായാണ് ത​ഹ്​​സി​ൻ സീനിയർ ടീമിൽ ഇടംനേടുന്നത്.

കൗ​മാ​ര ടീ​മു​ക​ളി​ൽ ഖ​ത്ത​റി​നാ​യും സ്വ​ന്തം ക്ല​ബാ​യ അ​ൽ ദു​ഹൈ​ലി​നു വേ​ണ്ടി​യും മി​ക​ച്ച പ്ര​ക​ട​നം ന​ട​ത്തി​യ​തി​ന്റെ പി​ന്നാ​ലെ ക​ഴി​ഞ്ഞ മാ​ർ​ച്ചി​ലാ​ണ്​ ത​ഹ്​​സി​നെ അ​ൽ ദു​ഹൈ​ൽ സീ​നി​യ​ർ ടീ​മി​ലേ​ക്ക്​ ക്ഷ​ണി​ക്കു​ന്ന​ത്. ആസ്പയർ സ്പോർട്സ് അക്കാദമിയിലൂടെയാണ് പ്രൊഫഷണൽ ഫുട്‌ബോളിലേക്ക് കാലെടുത്ത് വയ്‌ക്കുന്നത്.

ഖത്തർ ക്ലബ്ബായ അൽ ദുഹൈലിന്റെ താരമാണ് തഹ്‌സിൻ. എഎഫ്‌സി അണ്ടർ 17 ടൂർണമെന്റിൽ ഖത്തറിനായി കളിച്ചിട്ടുണ്ട്.ഖത്തർ ടോപ് ലീഗിൽ കളിക്കുന്ന ആദ്യ ഇന്ത്യൻ വംശജനെന്ന നേട്ടം സ്വന്തമാക്കിയിട്ടുണ്ട്. കണ്ണൂർ വളപട്ടണം സ്വദേശി ജംഷിദിന്റേയും ഷൈമയുടേയും മകനാണ്. ഇരുവരും കാലിക്കറ്റ് യൂണിവേഴ്‌സിറ്റിയുടെ ഫുട്‌ബോൾ ടീമിന്റെ ഭാഗമായിരുന്നു.

ത​ഹ്​​സി​ന്റെ ക​ഠി​നാ​ധ്വാ​ന​വും കൈ​വി​ടാ​ത്ത സ്വ​പ്​​ന​വും...

ക​ഠി​നാ​ധ്വാ​ന​വും കൈ​വി​ടാ​ത്തൊ​രു സ്വ​പ്​​ന​വുമുണ്ടെങ്കിൽ എ​ന്തും ജീവിതത്തിൽ സാ​ധ്യ​മാ​കു​മെ​ന്ന​തി​ന് ഉദാഹരണമാണ്​ ത​ഹ്​​സി​ൻ എ​ന്ന 17കാ​ര​നാ​യ മ​ല​യാ​ളി​പ്പ​യ്യ​ൻ.തൊ​ഴി​ൽ തേ​ടി​യെ​ത്തി​യ ഒ​രു മ​ല​യാ​ളി പ്ര​വാ​സി കു​ടും​ബ​ത്തി​ലെ ഇ​ള​മു​റ​ക്കാ​ര​നാ​യി ഈ ​നാ​ട്ടി​ൽ പി​റ​ന്ന്, ക​ളി​ച്ചും പ​ഠി​ച്ചും വ​ള​ർ​ന്ന്​ കൗ​മാ​ര​ത്തി​ൽ അ​വ​ൻ ചു​വ​ടു​വെ​ച്ചു ക​യ​റി​യ​ത്​ തു​ട​ർ​ച്ച​യാ​യി ര​ണ്ടാം ത​വ​ണ​യും ഏ​ഷ്യ​ൻ ക​പ്പ്​ ജേ​താ​ക്ക​ളെ​ന്ന പ​കി​ട്ടു​മാ​യി തി​ള​ങ്ങി​നി​ൽ​ക്കു​ന്ന ‘അ​ന്നാ​ബി’​യു​ടെ കു​പ്പാ​യ​ത്തി​ലേ​ക്കാണ്.

ഹ​സ​ൻ അ​ൽ ഹൈ​ദോ​സും അ​ക്രം അ​ഫീ​ഫും തി​ള​ങ്ങു​ന്ന ടീ​മി​ൽ അ​വ​രു​ടെ പി​ന്മു​റ​ക്കാ​ര​നാ​യി ഒ​രു മ​ല​യാ​ളി പ​ന്തു ത​ട്ടു​ന്നു​വെ​ന്ന​ത്​ ക​ഠി​നാ​ധ്വാ​ന​ത്തി​നും പ​രി​ശ്ര​മ​ത്തി​നു​മു​ള്ള അം​ഗീ​കാ​രം കൂ​ടി​യാ​ണ്. ചൊ​വ്വാ​ഴ്​​ച രാ​ത്രി വൈ​കി​യാ​യി​രു​ന്നു 29 അം​ഗ ദേ​ശീ​യ ടീം ​പ്ര​ഖ്യാ​പ​നം. സീ​നി​യ​ർ താ​ര​ങ്ങ​ൾ​ക്ക്​ വി​ശ്ര​മം ന​ൽ​കി, യു​വ​നി​ര​യു​മാ​യി ഖ​ത്ത​ർ അ​ങ്ക​ത്തി​നി​റ​ങ്ങി​യ​പ്പോ​ൾ ത​ഹ്​​സി​നും അ​ൽ അ​ഹ്​​ലി​യു​ടെ യൂ​സു​ഫ്​ സി​യാ​ദും അ​ണ്ട​ർ 19 ടീ​മി​ൽ നി​ന്നും ഇ​ടം ഉ​റ​പ്പി​ക്കു​ക​യാ​യി​രു​ന്നു.

സീ​നി​യ​ർ താ​ര​ങ്ങ​ൾ​ക്കി​ട​യി​ലെ പ​തി​നേ​ഴു​കാ​ര​നാ​യ കു​ഞ്ഞ​നു​ജ​ൻ ക​ളി​ക്ക​ള​ത്തി​ലെ വേ​ഗ​ത്തി​ൽ അ​വ​രെ​യും അ​തി​ശ​യി​പ്പി​ക്കു​ന്നു. വി​ങ്ങി​ലൂ​ടെ​യു​ള്ള അ​തി​വേ​ഗ നീ​ക്ക​വും പ​ന്ത​ട​ക്ക​വു​മാ​ണ്​ ത​ഹ്​​സി​നെ ടീ​മം​ഗ​ങ്ങ​ൾ​ക്കി​ട​യി​ലെ എം​ബാ​പ്പെ​യാ​ക്കി മാ​റ്റി​യ​ത്. ഇ​ട​തു വി​ങ്ങാ​ണ്​ ത​ഹ്​​സി​ന്റെ ഇ​ഷ്​​ട പൊ​സി​ഷ​ൻ. പ​ന്തു​മാ​യി കു​തി​ച്ചു​പാ​ഞ്ഞ്​ ഡ്രി​ബി​ൾ ചെ​യ്​​ത്​ സ​ഹ​താ​ര​ങ്ങ​ൾ​ക്ക്​ ഗോ​ള​ടി​ക്കാ​ൻ പാ​ക​ത്തി​ൽ എ​ത്തി​ക്കു​ന്ന നീ​ക്ക​ങ്ങ​ൾ അ​ണ്ട​ർ 16, 17 മ​ത്സ​ര​ങ്ങ​ളി​ൽ​ത​ന്നെ ഈ പതിനേഴുകാരനെ താ​ര​മാ​ക്കി​യി​രു​ന്നു.

ഈ ​മി​ക​വ്​ ക​ണ്ണി​ലു​ട​ക്കി​യ അ​ൽ ദു​ഹൈ​ൽ പ​രി​ശീ​ല​ക​ൻ ക്രി​സ്​​റ്റ​ഫ്​ ഗാ​ൾ​റ്റി​യ​റാ​ണ്​ ക​ഴി​ഞ്ഞ മാ​ർ​ച്ചി​ൽ ത​ഹ്​​സി​നെ യൂ​ത്ത്​ ടീ​മി​ൽ​നി​ന്ന് പ്രാ​യ​മെ​ല്ലാം മ​റ​ന്ന്​ സീ​നി​യ​ർ ടീ​മി​ലേ​ക്ക്​ ക്ഷണിക്കുന്നത്. കു​ടീ​ന്യോ​യും മൈ​ക്ക​ൽ ഒ​ലും​ഗ​യും ക​രിം ബൗ​ദി​യാ​ഫു​മെ​ല്ലാ​മു​ള്ള ടീ​മി​ലേ​ക്ക്​ കു​റ​ഞ്ഞ മ​ത്സ​ര​ങ്ങ​ളി​ൽ​ത​ന്നെ അ​വ​ൻ സാ​ന്നി​ധ്യ​മ​റി​യി​ച്ചു.സ്​​റ്റാ​ർ​സ്​ ലീ​ഗി​ലും അ​മീ​ർ ക​പ്പി​ലും പു​റ​ത്തെ​ടു​ത്ത മി​ക​ച്ച പ്ര​ക​ട​ന​മാ​ണ്​ ദേ​ശീ​യ സീ​നി​യ​ർ ടീ​മി​ലേ​ക്കു​ള്ള വ​ഴി​യാ​യി മാ​റി​യ​ത്.ഇവിടെ ത​ഹ്​​സി​ൻ മികച്ച പ്രകടനം പുറത്തെടുത്താൽ ലോ​ക​ക​പ്പി​ലേ​ക്ക്​ ല​ക്ഷ്യ​മി​ടു​ന്ന ഖ​ത്ത​ർ ദേ​ശീ​യ ടീ​മി​ൽ ഒ​രു മ​ല​യാ​ളി പ​ന്തു ത​ട്ടു​ന്ന നി​മി​ഷ​ത്തിനാകും പിന്നീട് നാം സാക്ഷ്യം വഹിക്കുന്നത്.