ലോ​ക​ക​പ്പ് യോ​ഗ്യ​ത: ഇ​ന്ത്യ ഇ​ന്ന് കു​വൈ​ത്തി​നെ​തി​രെ, അവസാന മത്സരത്തിന് സു​നി​ൽ ഛേത്രി

കൊ​ൽ​ക്ക​ത്ത: ഇ​ന്ത്യ​ൻ ഫു​ട്ബാ​ളി​ലെ ര​ണ്ട് പ​തി​റ്റാ​ണ്ടോ​ളം നീ​ണ്ട ഐ​തി​ഹാ​സി​ക ‍യു​ഗ​ത്തി​ന് ഇന്ന് രാ​ത്രി സാ​ൾ​ട്ട് ലേ​ക്കി​ന്റെ ക​ളി മൈ​താ​ന​ത്ത് പ​രി​സ​മാ​പ്തി. രാ​ജ്യം ക​ണ്ട ഏ​റ്റ​വും മി​ക​ച്ച കാ​ൽ​പ​ന്തു​ക​ളി​ക്കാ​രി​ലൊ​രാ​ളും ഗോ​ൾ​വേ​ട്ട​ക്കാ​രി​ലും അ​ന്താ​രാ​ഷ്ട്ര മ​ത്സ​ര പ​രി​ച​യ​ത്തി​ലും ഒ​ന്നാ​മ​നു​മാ​യ സു​നി​ൽ ഛേത്രി ​ഇ​ന്നത്തെ മത്സരത്തോടെ  കളമൊഴിയും.

ലോ​ക​ക​പ്പ് ഫു​ട്ബാ​ൾ ഏ​ഷ്യ​ൻ യോ​ഗ്യ​ത മൂ​ന്നാം റൗ​ണ്ടി​ൽ പ്ര​വേ​ശി​ക്കാ​ൻ ചെ​റി​യ സാ​ധ്യ​ത നി​ല​നി​ൽ​ക്കു​ന്ന ഇ​ന്ത്യ​ക്ക് കു​വൈ​ത്തി​നെ​തി​രെ ജീ​വ​ന്മ​ര​ണ പോ​രാ​ട്ടമാണ് ഇന്ന്. ടീം ​ക​ട​മ്പ ക​ട​ന്നാ​ലും ഇ​ല്ലെ​ങ്കി​ലും ഒ​രി​ക്ക​ൽ​ക്കൂ​ടി രാ​ജ്യ​ത്തി​നാ​യി ബൂ​ട്ടു​കെ​ട്ടാ​ൻ 40 വ​യ​സ്സി​ന​രി​കി​ലെ​ത്തി​യ ഛേത്രി​യു​ണ്ടാ​വി​ല്ല. ജ​യ​ത്തോ​ടെ പ്രി​യ നാ​യ​ക​ന് യാ​ത്ര​യ​യ​പ്പ് ന​ൽ​കാ​ൻ ആ​ഗ്ര​ഹി​ക്കു​ക​യാ​ണ് ടീം ​ഇ​ന്ത്യ. രാ​ത്രി ഏ​ഴ് മു​ത​ലാ​ണ് മ​ത്സ​രം.

2001ൽ ​സി​റ്റി ക്ല​ബ് ഡ​ൽ​ഹി​യി​ലൂ​ടെ യൂ​ത്ത് ക​രി‍യ​ർ ആ​രം​ഭി​ച്ച ഛേത്രി​യി​ലെ പ്ര​ഫ​ഷ​ന​ൽ ഫു​ട്ബാ​ള​റെ മി​നു​ക്കി​യെ​ടു​ത്ത​ത് കൊ​ൽ​ക്ക​ത്ത വ​മ്പ​ന്മാ​രാ​യ മോ​ഹ​ൻ ബ​ഗാ​ൻ ക്ല​ബാ​ണ്. 2002 മു​ത​ൽ 2005 വ​രെ ബ​ഗാ​നി​ലാ​യി​രു​ന്നു താ​രം. 2005ൽ ​ഇ​ന്ത്യ​ക്കാ​യി അ​ര​ങ്ങേ​റ്റം. തെ​ല​ങ്കാ​ന​യു​ടെ ഭാ​ഗ​മാ​യ സെ​ക്ക​ന്ത​രാ​ബാ​ദി​ലാ​ണ് ജ​നി​ച്ച​തെ​ങ്കി​ലും ഛേത്രി​ക്ക് വൈ​കാ​രി​ക ബ​ന്ധ​മു​ള്ള ന​ഗ​ര​മാ​ണ് കൊ​ൽ​ക്ക​ത്ത. ഈ ​നാ​ട്ടു​കാ​രി​യാ​യ സോ​നം ഭ​ട്ടാ​ചാ​ര്യ​യെ​യാ​ണ് താ​രം ജീ​വി​ത​സ​ഖി​യാ​ക്കി​യ​തും. 

കൊ​ൽ​ക്ക​ത്ത​യി​ൽ വെ​ച്ചു​ത​ന്നെ അ​ന്താ​രാ​ഷ്ട്ര ഫു​ട്ബാ​ളി​നോ​ട് വി​ട​പ​റ​യു​ക​യാ​ണ് ഛേത്രി. ​അ​വ​സാ​ന മ​ത്സ​ര​ത്തി​ലും ക്യാ​പ്റ്റ​ൻ ഛേത്രി​യെ ഇ​ന്ത്യ​ൻ ടീം ​ഏ​റെ ആ​ശ്ര​യി​ക്കു​ന്നു​വെ​ന്ന​ത് വ​ലി​യൊ​രു സ​ത്യം. ഐ.​പി.​എ​ല്ലി​ൽ മി​ന്നും പ്ര​ക​ട​നം ന​ട​ത്തി​യ ല​ലി​ൻ​സു​വാ​ല ചാ​ങ്തെ​യി​ലും വ​ലി​യ പ്ര​തീ​ക്ഷ​യ​ർ​പ്പി​ക്കു​ന്നു​ണ്ട്. പ്ര​തി​രോ​ധ​ത്തി​ലെ കു​ന്ത​മു​ന സ​ന്ദേ​ശ് ജി​ങ്കാ​ന്റെ അ​ഭാ​വ​ത്തി​ൽ രാ​ഹു​ൽ ഭേ​കെ, അ​ൻ​വ​ർ അ​ലി, സു​ഭാ​ഷി​ഷ് ബോ​സ് എ​ന്നി​വ​രു​ടെ ഉ​ത്ത​ര​വാ​ദി​ത്തം വ​ർ​ധി​ക്കു​ന്നു​ണ്ട്. മ​ധ്യ​നി​ര​ക്കാ​ര​ൻ സ​ഹ​ൽ അ​ബ്ദു​ൽ സ​മ​ദാ​ണ് ടീ​മി​ലെ ഏ​ക മ​ല​യാ​ളി.

2003 ജൂ​ലൈ​യി​ൽ ബം​ഗ​ളൂ​രു​വി​ൽ ന​ട​ന്ന സാ​ഫ് ക​പ്പ് ഫൈ​ന​ലി​ൽ കു​വൈ​ത്തി​നെ തോ​ൽ​പി​ച്ചാ​ണ് ഛേത്രി​യും സം​ഘ​വും കി​രീ​ടം നി​ല​നി​ർ​ത്തി​യ​ത്. ലോ​ക​ക​പ്പ് യോ​ഗ്യ​ത റൗ​ണ്ടി​ൽ ആ​ദ്യ​മ​ത്സ​രം കു​വൈ​ത്തി​നെ​തി​രെ​യാ​യി​രു​ന്നു. അ​വ​രു​ടെ മ​ണ്ണി​ൽ​വെ​ച്ച് മ​ൻ​വീ​ർ സി​ങ് നേ​ടി‍യ ഏ​ക ഗോ​ളി​ൽ ജ​യ​മാ​ഘോ​ഷി​ച്ചു. പ​ക്ഷേ, ഹോം ​മ​ത്സ​ര​ങ്ങ​ളി​ൽ ഖ​ത്ത​റി​നോ​ടും അ​ഫ്ഗാ​നി​സ്താ​നോ​ടും തോ​റ്റു. അ​ഫ്ഗാ​നെ​തി​രാ​യ എ​വേ മ​ത്സ​ര​ത്തി​ൽ സ​മ​നി​ല​യും.

ആ​റ് മ​ത്സ​ര​ങ്ങ​ളാ​ണ് ര​ണ്ടാം റൗ​ണ്ടി​ലു​ള്ള​ത്. നാ​ലെ​ണ്ണം പൂ​ർ​ത്തി​യാ​യ​പ്പോ​ൾ ഖ​ത്ത​ർ സ​മ്പൂ​ർ​ണ ജ​യ​വു​മാ​യി 12 പോ​യ​ന്റോ​ടെ മൂ​ന്നാം റൗ​ണ്ട് ഉ​റ​പ്പാ​ക്കി. ശേ​ഷി​ക്കു​ന്ന ബെ​ർ​ത്തി​നാ​യി ര​ണ്ടു​മു​ത​ൽ നാ​ലു​വ​രെ സ്ഥാ​ന​ക്കാ​രാ​യ ഇ​ന്ത്യ​യും (4) അ​ഫ്ഗാ​നി​സ്താ​നും (4) കു​വൈ​ത്തും (3) ഒ​രു​പോ​ലെ രം​ഗ​ത്തു​ണ്ട്. കു​വൈ​ത്തി​നോ​ട് ജ​യി​ച്ചാ​ൽ ഇ​ന്ത്യ​ക്ക് ഏ​ഴ് പോ​യ​ന്റാ​വും. പി​ന്നെ നേ​രി​ടാ​നു​ള്ള​ത് ഏ​ഷ്യ​ൻ ചാ​മ്പ്യ​ന്മാ​രാ​യ ഖ​ത്ത​റി​നെ​യാ​ണ്.

ജൂ​ൺ 11ന് ​ദോ​ഹ​യി​ലാ​ണ് മ​ത്സ​രം. ആ ​ക​ളി​യി​ൽ സ​മ​നി​ല​പോ​ലും ഇ​ന്ത്യ​യെ സം​ബ​ന്ധി​ച്ച് വ​ലി​യ കാ​ര്യ​മാ​ണ്. ഇ​ന്ന് ജ​യി​ക്കു​ക​യോ സ​മ​നി​ല പി​ടി​ക്കു​ക​യോ ചെ​യ്താ​ൽ മു​ന്നേ​റാ​മെ​ന്ന പ്ര​തീ​ക്ഷ കു​വൈ​ത്തി​നു​ണ്ട്. അ​ഫ്ഗാ​നെ​തി​രെ​യാ​ണ് അ​വ​രു​ടെ അ​വ​സാ​ന ക​ളി. അ​താ​വ​ട്ടെ ഹോം ​മാ​ച്ചും. എ​വേ​യി​ൽ 4-0ത്തി​ന് അ​ഫ്ഗാ​നെ ത​ക​ർ​ത്തി​ട്ടു​ണ്ട് കു​വൈ​ത്ത്.

സാ​ധ്യ​ത ഇ​ല​വ​ൻ

ഇ​ന്ത്യ: ഗു​ർ​പ്രീ​ത് സി​ങ് സ​ന്ധു, നി​ഖി​ൽ പൂ​ജാ​രി, സു​ഭാ​ഷി​ഷ് ബോ​സ്, അ​ൻ​വ​ർ അ​ലി, ജ​യ് ഗു​പ്ത, ജീ​ക്‌​സ​ൺ സി​ങ്, അ​നി​രു​ദ്ധ് ഥാ​പ്പ, ന​വോ​റെം മ​ഹേ​ഷ് സി​ങ്, ബ്രാ​ൻ​ഡ​ൻ ഫെ​ർ​ണാ​ണ്ട​സ്, ലാ​ലി​ൻ​സു​വാ​ല ചാ​ങ്‌​തെ, സു​നി​ൽ ഛേത്രി.

കു​വൈ​ത്ത്: സു​ലൈ​മാ​ൻ അ​ബ്ദു​ൾ ഗ​ഫൂ​ർ, റാ​ഷി​ദ് അ​ൽ-​ദോ​സ​രി, ഖാ​ലി​ദ് അ​ൽ ഇ​ബ്രാ​ഹിം, ഹ​സ​ൻ അ​ൽ എ​നെ​സി, സ​ൽ​മാ​ൻ ബോ​ർ​മി​യ, ഈ​ദ് അ​ൽ റ​ഷീ​ദി, ഹ​മ​ദ് അ​ൽ ഹ​ർ​ബി, ഫൈ​സ​ൽ സാ​യി​ദ്, അ​സ്ബി ഷെ​ഹാ​ബ്, മു​ഹ​മ്മ​ദ് ദ​ഹം, യൂ​സ​ഫ് നാ​സ​ർ.