വിനീഷ്യസിന് ഹാട്രിക്;  റയല്‍ മികച്ച ഫോമില്‍

ലാലിഗയില്‍ ഒസാസുനയ്ക്കെതിരെ റയല്‍ മാഡ്രിഡ് 4-0 ന് നിര്‍ണായക വിജയം. മത്സരം തിരികെ പിടിച്ച് ടീം മികച്ച ഫോമിലാണ് തുടരുന്നത്. വിനീഷ്യസ് ജൂനിയര്‍ ഹാട്രിക്കുമായി മനം കവര്‍ന്നു. ഒസാസുനയുടെ പ്രതിരോധത്തെ നിരന്തര സമ്മര്‍ദ്ദത്തിലാക്കിയ റയല്‍ 34-ാം മിനിറ്റില്‍ ഗോള്‍ നേടി. ജൂഡ് ബെല്ലിംഗ്ഹാമിന്റെ അസിസ്റ്റില്‍ നിന്ന് വിനീഷ്യസ് ജൂനിയര്‍ ആണ് ഗോളടി തുടങ്ങിയത്.

42ാം മിനിറ്റില്‍ ബെല്ലിംഗ്ഹാമിന്റെ ഉജ്ജ്വലമായ സോളോ ഗോളിലൂടെ റയല്‍ ലീഡ് ഇരട്ടിയാക്കി. ഒസാസുനയ്ക്കെതിരായ രണ്ട് മത്സരങ്ങളിലെ അദ്ദേഹത്തിന്റെ മൂന്നാമത്തെ ഗോളായിരുന്നു ഇത്. റയല്‍ മാഡ്രിഡ് ആദ്യ പകുതിയില്‍ 2-0ന് മുന്നിലെത്തി.

രണ്ടാം പകുതിയില്‍ വിനീഷ്യസ് തന്റെ ക്ലിനിക്കല്‍ ഫോം തുടരുന്നത് കണ്ടു, രണ്ട് ഗോളുകള്‍ കൂടി താരം ചേര്‍ത്തു. 61-ാം മിനിറ്റിലും 69-ാം മിനിറ്റിലും വിനീഷ്യസ് ഗോള്‍ വല കണ്ടെത്തി.

2022 മെയ് മാസത്തിന് ശേഷമുള്ള വിനീഷ്യസിന്റെ ആദ്യ ഹാട്രിക്കായിരുന്നു ഇത്. റയലിന് ഈ വിജയം തുടര്‍ച്ചയായ രണ്ട് പരാജയങ്ങള്‍ക്ക് ശേഷമാണ് വരുന്നത്. റയല്‍ മാഡ്രിഡ് 27 പോയിന്റുമായി രണ്ടാം സ്ഥാനത്താണ്.