പി.ആർ.ശ്രീജേഷിനും കുടുംബത്തിനും സദ്യയൊരുക്കി അഭിനന്ദനമറിയിച്ച് കേന്ദ്രമന്ത്രി സുരേഷ് ഗോപി

തിരുവനന്തപുരം: പാരീസ് ഒളിംപിക്സ് ഹോക്കിയിലെ വെങ്കല മെഡൽ ജേതാവും മലയാളിയുമായ പി.ആർ.ശ്രീജേഷിനും കുടുംബത്തിനും സദ്യയൊരുക്കി കേന്ദ്രമന്ത്രി സുരേഷ് ഗോപി. സ്വന്തം വീട്ടിലാണു സുരേഷ് ഗോപിയും ഭാര്യ രാധികയും ശ്രീജേഷിനു സദ്യയൊരുക്കിയത്. 

ഇന്ത്യയ്ക്കായി വിയർത്തു നേടിയ ഈ മെഡലുകൾക്കും അംഗീകാരത്തിനും രാജ്യം എന്നും ശ്രീജേഷിനോടു കടപ്പെട്ടിരിക്കുന്നതായി സുരേഷ് ഗോപി പറഞ്ഞു. ശ്രീജേഷിനോടൊപ്പം ഭാര്യ ഡോ.അനീഷ്യ, മക്കൾ, സഹോദരങ്ങൾ, മാതാപിതാക്കൾ എന്നിവരും ഉണ്ടായിരുന്നു. ഒളിംപിക്സ് മെഡൽ ശ്രീജേഷ് കേന്ദ്രമന്ത്രിക്കു കാണിച്ചു കൊടുത്തു.