രണ്ടാം ട്വന്റി20യിലും വെസ്റ്റിന്‍ഡീസിന് വിജയം

തരൂബ : ദക്ഷിണാഫ്രിക്കയ്‌ക്കെതിരെ രണ്ടാം ട്വന്റി20യിലും വെസ്റ്റിന്‍ഡീസിനു ജയം. തരൂബയിലെ ബ്രയന്‍ ലാറ ക്രിക്കറ്റ് അക്കാദമിയില്‍ നടന്ന മത്സരത്തില്‍ 30 റണ്‍സിനാണ് വിന്‍ഡീസ് ജയിച്ചത്. ജയത്തോടെ വിന്‍ഡീസ് മൂന്നു മത്സര പരമ്പരയിലും ഉറപ്പിച്ചു. ആദ്യ മത്സരം വിന്‍ഡീസ് 7 വിക്കറ്റിനു ജയിച്ചിരുന്നു.

ആദ്യം ബാറ്റു ചെയ്ത വിന്‍ഡീസ് 14 ഓവറില്‍ 4ന് 111 എന്ന നിലയില്‍ നിന്നാണ് വലിയ സ്‌കോറിലേക്കു കുതിച്ചത്. ഷായ് ഹോപ് (22 പന്തില്‍ 41), റോവ്മാന്‍ പവല്‍ (22 പന്തില്‍ 35) എന്നിവരുടെ ഇന്നിങ്‌സുകളാണ് വിന്‍ഡീസിനു കരുത്തായത്.