ടി20 ലോകകപ്പ് സൂപ്പർ 8ൽ ഇം​ഗ്ലണ്ടിനെ വീഴ്‌ത്തി ദക്ഷിണാഫ്രിക്ക; ഇനിലക്ഷ്യം സെമി

ടി20 ലോകകപ്പ് സൂപ്പർ 8ൽ ഇം​ഗ്ലണ്ടിനെ വീഴ്ത്തി  ദക്ഷിണാഫ്രിക്ക. ലിവിം​ഗ്സ്റ്റൺ-ബ്രൂക്ക് കൂട്ടുക്കെട്ടാണ് കൈവിട്ട മത്സരത്തിലെ ദക്ഷിണാഫ്രിക്കയുടെ തിരിച്ചുവരവിന് നിർണായകമായത്.ഇതോടെ ദക്ഷിണാഫ്രിക്ക ടി20 ലോകകപ്പിൽ അപരാജിതരായി സെമി ഏകദേശം ഉറപ്പിച്ചു കഴിഞ്ഞു. സൂപ്പർ എട്ടിലെ രണ്ടാം ജയത്തോടെ‌യാണ് സെമി ഉറപ്പിച്ചത്.പ്രോട്ടീസ് ഉയർത്തിയ 164 വിജയലക്ഷ്യം പിന്തുടർന്ന ഇം​ഗ്ലണ്ടിന് നിശ്ചിത ഓവറിൽ ആറു വിക്കറ്റ് നഷ്ടത്തിൽ 156 റൺസെടുക്കാനെ സാധിച്ചുള്ളു.

അവസാന മൂന്നോവറിൽ പ്രോട്ടീസ് നടത്തിയ പ്രകടനമാണ് എങ്ങോട്ട് വേണമെങ്കിലും തിരിയേണ്ട മത്സരത്തെ അവരുടെ വരുതിയിലാക്കിയത്.ടോസ് നഷ്ടമായ ​ദക്ഷിണാഫ്രിക്ക ആദ്യം ബാറ്റ് ചെയ്യുകയായിരുന്നു. നിശ്ചിത ഓവറിൽ ആറുവിക്കറ്റ് നഷ്ടത്തിൽ 163 റൺസെടുക്കാനെ അവർക്കായുള്ളു.

38 പന്തിൽ 65 റൺസെടുത്ത ഡി കോക്കാണ് ടോപ്പ് സ്കോറർ. നാലുവീതം ഫോറും സിക്സും പറത്തിയാണ് ഡി കോക്ക് ​ദക്ഷിണാഫ്രിക്കയുടെ നട്ടെല്ലായത്. 28 പന്തിൽ 43 റൺസെടുത്ത മില്ലറാണ് മറ്റാെരു ടോപ്പ് സ്കോററർ. ആദ്യ വിക്കറ്റിൽ റീസ ഹെൻഡ്രിക്സിനൊപ്പം 86 റൺസിന്റെ കൂട്ടുക്കെട്ടുണ്ടാക്കാൻ ക്വിൻ്റൺ ഡി കോക്കിനായിരുന്നു. ഇതിൽ 19 റൺസാണ് ഹെൻഡ്രിക്സിന്റെ സമ്പാദ്യം.

മറുപടി ബാറ്റിം​ഗിൽ ഇം​ഗ്ലണ്ടിന് പ്രതീക്ഷിച്ച തുടക്കമായിരുന്നില്ല. പത്തോവറിനിടെ നാലുവിക്കറ്റുകൾ നിലം പൊത്തി 61 റൺസ് എന്ന നിലയിലായിരുന്നു അവർ. അഞ്ചാം വിക്കറ്റിൽ ക്രീസിലൊന്നിച്ച ഹാരി ബ്രൂക്ക് -ലിയാം ലിവിം​ഗ്സ്റ്റൺ സഖ്യമാണ് 78 റൺസടിച്ച് പ്രതീക്ഷകൾ സജീവമാക്കിയത്.

18-ാം ഓവറിൽ ലിവിം​ഗിസ്റ്റണെ (33) വീഴ്‌ത്തി റബാദയാണ് ആദ്യ ബ്രേക്ക് ത്രൂ നൽകിയത്. 20-ാം ഓവറിന്റെ ആദ്യ പന്തിൽ അർദ്ധ സെഞ്ച്വറി നേടിയ ഹാരി ബ്രൂക്കിനെ(53) പുറത്താക്കി നോർക്യേ വീണ്ടും ഇം​ഗ്ലണ്ടിനെ ഞെട്ടിച്ചു. മാർക്രത്തിന്റെ ഉ​ഗ്രൻ ക്യാച്ചിലാണ് ബ്രൂക്ക് പുറത്താകുന്നത്.റബാദയും കേശവ് മഹാരാജും രണ്ടുവീതം വിക്കറ്റ് വീഴ്‌ത്തിയപ്പോൾ നോർക്യേക്ക് ഒരു വിക്കറ്റ് ലഭിച്ചു. നേരത്തെ ആർച്ചർ ഇം​ഗ്ലണ്ടിന് വേണ്ടി മൂന്ന് വിക്കറ്റ് നേടിയിരുന്നു.