ഏറ്റവും ഉയര്‍ന്ന ഐപിഎല്‍ ടോട്ടല്‍; സ്വന്തം റെക്കോര്‍ഡ് തകര്‍ത്തു

ഇന്ത്യന്‍ പ്രീമിയര്‍ ലീഗ് കരിയറില്‍ ഒരു സീസണിലെ തന്റെ ഏറ്റവും ഉയര്‍ന്ന വ്യക്തിഗത ടോട്ടല്‍ എന്ന റെക്കോര്‍ഡ് ഐപിഎല്‍ 2024ല്‍ സ്വന്തമാക്കി രാജസ്ഥാന്‍ റോയല്‍സിന്റെ മലയാളി നായകന്‍ സഞ്ജു സാംസണ്‍. ചെപ്പോക്കില്‍ സിഎസ്‌കെയ്ക്ക് എതിരെ ഇറങ്ങുമ്പോള്‍ ഈ സീസണില്‍ 471 റണ്‍സായിരുന്നു സഞ്ജുവിനുണ്ടായിരുന്നത്.

ചെന്നൈ സൂപ്പര്‍ കിംഗ്‌സിനെതിരെ 19 പന്തുകളില്‍ 15 റണ്‍സ് നേടി പുറത്തായെങ്കിലും ഈ സീസണിലെ റണ്‍ സമ്പാദ്യം 486ലെത്തിച്ച സഞ്ജു 2021ലെ 484 റണ്‍സിന്റെ സ്വന്തം റെക്കോര്‍ഡ് തകര്‍ത്തു. 
2013ല്‍ ഐപിഎല്‍ അരങ്ങേറ്റം കുറിച്ച സഞ്ജു ഇതുവരെ ഒരു സീസണില്‍ നേടിയിരുന്ന ഉയര്‍ന്ന ടോട്ടല്‍ 2021ല്‍ പതിനാല് മത്സരങ്ങളില്‍ പേരിലാക്കിയ 484 റണ്‍സായിരുന്നു.