കെവിന്‍ ഡിബ്രൂയിന്‍ സിറ്റി വിടില്ലെന്ന്  പെപ് ഗ്വാര്‍ഡിയോള

മാഞ്ചസ്റ്റര്‍ സിറ്റിയുടെ ബെല്‍ജിയം സൂപ്പര്‍താരം കെവിന്‍ ഡി ബ്രൂയിന്‍ ക്ലബ് വിട്ട് സൗദിയിലേക്ക് ചേക്കേറുമെന്ന ചര്‍ച്ചകള്‍ സജീവമായിരിക്കെ എല്ലാ ഊഹാപോഹങ്ങളേയും തള്ളി സിറ്റിയുടെ പരിശീലകന്‍ പെപ് ഗ്വാര്‍ഡിയോള.
ഡി ബ്രൂയ്ന്‍ ക്ലബ് വിടില്ലെന്ന് ഉറപ്പിച്ചു പറയുകായാണ് ഗ്വാര്‍ഡിയോള. നോര്‍ത്ത് കരോലിനയില്‍ കെല്‍റ്റിക്കിനെതിരായ സിറ്റിയുടെ സൗഹൃദ മത്സരത്തിന് മുമ്പ് നടത്തിയ വാര്‍ത്താ സമ്മേളനത്തിലാണ് മുഖ്യ പരിശീലകന്റെ ഉറപ്പ്.
വരാനിരിക്കുന്ന സീസണില്‍ മാഞ്ചസ്റ്റര്‍ സിറ്റിയില്‍ തുടരുമെന്ന് ഗാര്‍ഡിയോള പറയുന്നുണ്ടെങ്കിലും ഡി ബ്രൂയിന്റെ പ്രതികരണങ്ങളില്‍ ക്ലബ് വിടാനുള്ള സാധ്യതളാണ് തെളിയിയുന്നത്. സൗദി പ്രോ-ലീഗില്‍ നിന്ന് വന്ന വലിയൊരു ഓഫര്‍ തള്ളിക്കളയില്ലെന്ന് സൂചന തന്നെയാണ് അടുത്തിടെയുണ്ടായ പ്രതികരണങ്ങളില്‍ നിന്ന് വ്യക്തമാകുന്നത്.