അമ്പെയ്ത്തില്‍ ദീപിക മുന്നോട്ട്

പാരീസ് : ഒളിമ്പിക്‌സ് വനിതകളുടെ അമ്പെയ്ത്തില്‍ പ്രീ ക്വാര്‍ട്ടറില്‍ കടന്ന് ഇന്ത്യയുടെ ദീപിക കുമാരി. 6-2 എന്ന സ്‌കോറിന് ഡച്ച് താരത്തെ രണ്ടാം റൗണ്ടില്‍ പരാജയപ്പെടുത്തിയാണ് ദീപിക വിജയത്തിലേക്ക് കുതിച്ചത്. നെതര്‍ലാണ്ട്‌സിന്റെ ക്വിന്റി റോഫെനിനെതിരെ ആദ്യ സെറ്റ് 29-28ന് ദീപിക നേടിയപ്പോള്‍ രണ്ടാം സെറ്റില്‍ താരം 27-29ന് മത്സരത്തിന്റെ പിന്നിലായിരുന്നു. 

അടുത്ത രണ്ട് സെറ്റുകള്‍ 25-17, 28-23 എന്ന സ്‌കോറിന് നേടിയാണ് ഇന്ത്യന്‍ താരം പ്രീ ക്വാര്‍ട്ടര്‍ ഉറപ്പാക്കിയത്. നേരത്തെ ആദ്യ റൗണ്ടില്‍ എസ്റ്റോണിയയുടെ റീന പര്‍ണാടിനെ 6-5 എന്ന സ്‌കോറിനാണ് ദീപിക പരാജയപ്പെടുത്തിയത്.