പ്രീസീസൺ സൗഹൃദ മത്സരം; കേരള ബ്ലാസ്റ്റേഴ്സിന് വിജയം

ഫുട്ബോൾ പ്രീ-സീസൺ സൗഹൃദ മത്സരത്തിൽ കേരള ബ്ലാസ്റ്റേഴ്സ് എഫ്‌സി മുഹമ്മദൻ എസ്‌സിയെ പരാജയപ്പെടുത്തി. പശ്ചിമ ബം​ഗാളിലാണ് മത്സരം നടന്നത്. എതിരില്ലാത്ത 2 ​ഗോളുകൾക്കാണ് ബ്ലാസ്റ്റേഴ്സിന്റെ വിജയം. ടീമിനായി  യോഹെൻബ മെയ്റ്റിയും നോഹ സദൗയിയും ഓരോ ​ഗോളുകളും നേടിയത്. മത്സരത്തിന്റെ ആദ്യ പകുതിയിലാണ് നോഹ ​വല കുലുക്കിയത്. പിന്നീട് യൊഹെൻബ ഒരു ഗംഭീര സ്ട്രൈക്കിലൂടെ വിജയം ഉറപ്പിച്ച രണ്ടാം ഗോളും നേടി. 

കേരള ബ്ലാസ്റ്റേഴ് ടീമിന്റെ ക്യാപ്റ്റൻ അഡ്രിയാൻ ലൂണ മത്സരത്തിൽ നിന്ന് വിട്ടുനിന്നത് ശ്രദ്ധേയമാണ്. കേരള ബ്ലാസ്റ്റേഴ്സ് അവരുടെ ഇന്ത്യൻ സൂപ്പർ ലീഗ് (ഐഎസ്എൽ) ക്യാമ്പയിൻ സെപ്റ്റംബർ 15 ന് ആരംഭിക്കും, അവിടെ അവർ തങ്ങളുടെ ഉദ്ഘാടന മത്സരത്തിൽ പഞ്ചാബ് എഫ്സിയെ നേരിടും.