വമ്പൻ തിരിച്ചുവരവ് ; ചരിത്രം സൃഷ്ടിച്ച് കെയ്ൻ വില്യംസൺ

ക്രൈസ്റ്റ് ചർച്ച്:  ന്യുസിലൻഡ്  താരം കെയ്ൻ വില്യംസൺ പരിക്കിന് ശേഷം ഇംഗ്ലണ്ടിനെതിരായ ആദ്യ ടെസ്റ്റ് മത്സരത്തിൽ കളിച്ചു.ഏതാനും മാസങ്ങൾക്ക് ശേഷം  ക്രീസിലേക്ക്  മടങ്ങിയെത്തിയ  വില്യംസ്  ആദ്യ മത്സരത്തിൽ തന്നെ രണ്ട് അർദ്ധ സെഞ്ചുറികൾ നേടി വലിയ നാഴികക്കല്ലാണ് സൃഷ്ടിച്ചത്.

ന്യൂസിലൻഡിനായി 9,000 ടെസ്റ്റ് റൺസ് തികയ്ക്കുന്ന ആദ്യ താരമായി കെയ്ൻ വില്യംസൺ. ആദ്യ ടെസ്റ്റിൻ്റെ ഒന്നാം  ഇന്നിംഗ്‌സിൽ 93 റൺസ് നേടിയ കെയ്ൻ വില്യംസൺ രണ്ടാം ഇന്നിംഗ്‌സിൽ 61 റൺസ് കൂട്ടിച്ചേർത്തു. ഇതോടെ ന്യൂസിലൻഡ് ടീമിനായി ടെസ്റ്റിൽ 9000 റൺസ് തികയ്ക്കുന്ന ആദ്യ താരമായി.

ടെസ്റ്റ് മത്സരങ്ങളിൽ ന്യൂസിലൻഡിനായി ഏറ്റവും കൂടുതൽ റൺസ് നേടിയ താരവും കെയ്ൻ വില്യംസണാണ്. രണ്ടാം സ്ഥാനത്ത് റോസ് ടെയ്‌ലറാണ്. ന്യൂസിലൻഡിനായി ടെസ്റ്റ് മത്സരങ്ങളിൽ നിന്ന് 7,683 റൺസ് നേടിയിട്ടുണ്ട്. നിലവിൽ 9,000 റൺസ് കടന്ന ക്രിക്കറ്റിലെ ഫാബ് ഫോർ എന്നറിയപ്പെടുന്ന നാല് മികച്ച ടെസ്റ്റ് ബാറ്റ്സ്മാൻമാരിൽ നാലാമനാണ് കെയ്ൻ വില്യംസൺ.ഫാബ് ഫോറിലെ നാല് താരങ്ങളും ഇപ്പോൾ 9000 റൺസ് പിന്നിട്ടു.

ഫാബ് ഫോർ താരങ്ങളും അവരുടെ റണ്ണുകളും-

ജോ റൂട്ട് - 12,754 റൺസ്

സ്റ്റീവ് സ്മിത്ത് 9,702 റൺസ്

വിരാട് കോഹ്‌ലി - 9,175 റൺസ്

കെയ്ൻ വില്യംസൺ - 9.035 റൺസ്

ഓസ്‌ട്രേലിയയ്‌ക്കെതിരായ ടെസ്റ്റ് പരമ്പരയിലാണ് വിരാട് കോഹ്‌ലി  നിലവിൽ കളിക്കുന്നത്. അതുപോലെ കെയ്ൻ വില്യംസണും ഇംഗ്ലണ്ടിനെതിരെ രണ്ട് മത്സരങ്ങൾ കൂടി കളിക്കാനുണ്ട്. പരസ്പരം തോൽപ്പിക്കാൻ അവസരമുള്ളതിനാൽ ഇരുവരും തമ്മിലുള്ള മത്സരം കാണാനുള്ള ആകാംക്ഷയിലാണ് ക്രിക്കറ്റ് പ്രേമികൾ.

ന്യൂസിലൻഡും ഇംഗ്ലണ്ടും തമ്മിലുള്ള ആദ്യ ടെസ്റ്റിൽ ഇതുവരെ സംഭവിച്ചത്-ഒന്നാം ഇന്നിംഗ്‌സിൽ ന്യൂസിലൻഡ് 348 റൺസും ഇംഗ്ലണ്ട് 499 റൺസുമാണ് നേടിയത്. രണ്ടാം ഇന്നിംഗ്‌സിൽ ന്യൂസിലൻഡ് 5 വിക്കറ്റ് നഷ്ടത്തിൽ 153 റൺസെടുത്തു. ന്യൂസിലൻഡ്  2 റൺസിന് മുന്നിലാണ്.