ലക്ഷ്യസെന്‍ ക്വാര്‍ട്ടര്‍ ഫൈനലില്‍

ജക്കാര്‍ത്ത : ഇന്ന്‌ നടന്ന ഇന്‍ഡോനേഷ്യന്‍ ഓപ്പണ്‍ ടൂര്‍ണമെന്റില്‍ ഇന്ത്യന്‍ താരം ലക്ഷ്യ സെന്‍ ക്വാര്‍ട്ടര്‍ ഫൈനലിലേക്ക് മുന്നേറി. ജപ്പാന്‍ താരം കെന്റ നിഷിമോട്ടോനെയാണ് ലക്ഷ്യ അനായാസം കീഴ്‌പ്പെടുത്തിയത്. സ്‌കോര്‍ 21-9, 21-15. ഇന്ത്യന്‍ ബാറ്റ്മിന്‍ഡണ്‍ താരം ലക്ഷ്യ പാരീസ് ഒളിംപിക്‌സിലേക്കും യോഗ്യത നേടിയിട്ടുണ്ട്. 

ലക്ഷ്യയുടെ വിജയം ശ്രദ്ധേയമായെങ്കിലും വുമണ്‍സ് ഡബിള്‍സില്‍ ട്രീസ ജോളിക്കും ഗായത്രി ഗോപിചന്ദിനും നിരാശയായിരുന്നു. ജപ്പാന്‍ താരം മയു മാറ്റ്‌സുമോട്ടോയും വക്കന നഖാരെയുമാണ് ഇന്ത്യന്‍ സഖ്യത്തെ തോല്‍പ്പിച്ചത്. 
സ്‌കോര്‍ 21-19, 19-21നാണ് ഇന്ത്യന്‍ സക്യം വീണത്. മറ്റൊരു മത്സരത്തില്‍ ഇന്ത്യന്‍ സഖ്യം സൗത്ത് കൊറിയയോട് പരാജയപ്പെട്ടു.