/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/media_files/2024/11/04/EZIw7JJEJpJ8i4iJus6M.JPG)
Sanju Samson
മുംബൈ : സഞ്ജു സാംസണെ ഇന്ത്യന്‍ ടെസ്റ്റ് ടീമില്‍ ഉള്‍പ്പെടുത്തണമെന്ന് ന്യൂസീലന്‍ഡ് മുന്‍ താരം സൈമണ്‍ ഡൂള്‍. സ്പിന്നിനെ നേരിടുന്നതില്‍ സഞ്ജു മിടുക്കനാണെന്നും താരത്തെ ടീമില്‍ ഉള്‍പ്പെടുത്തിയാല്‍ മികച്ച നേട്ടം ഉണ്ടാകുമെന്നും സൈമണ്‍ പറഞ്ഞു. സഞ്ജുവിനൊപ്പം ശ്രേയസ് അയ്യരെയും ടെസ്റ്റ് ടീമിലേക്കു തിരികെയെത്തിക്കണമെന്നും അദ്ദേഹം ആവശ്യപ്പെട്ടു.
''സ്പിന്നര്‍മാര്‍ക്കെതിരെ നന്നായി കളിക്കുന്ന താരങ്ങളാണ് ഇന്ത്യന്‍ ടീമില്‍ വരേണ്ടത്. സഞ്ജു സാംസണ്‍, ശ്രേയസ് അയ്യര്‍ എന്നിവര്‍ അതിനു ചേര്‍ന്ന താരങ്ങളാണ്. ഇരുവരേയും ഇന്ത്യന്‍ ടീമില്‍ ഉള്‍പ്പെടുത്തുന്നത് ഗുണം ചെയ്യും.'' ഡൂള്‍ പ്രതികരിച്ചു. തന്നെ ടെസ്റ്റ് ടീമിലേക്കും പരിഗണിക്കുമെന്നു ബിസിസിഐ സൂചന നല്‍കിയതായി സഞ്ജു സാംസണ്‍ അടുത്തിടെ വെളിപ്പെടുത്തിയിരുന്നു.
നിലവിലെ രഞ്ജി സീസണില്‍ കേരളത്തിനായി താരം ഒരു മത്സരം കളിക്കാന്‍ ഇറങ്ങിയെങ്കിലും പിന്നീട് ടീമിനൊപ്പം തുടരാന്‍ സഞ്ജുവിനു സാധിച്ചിരുന്നില്ല. ദക്ഷിണാഫ്രിക്കയ്‌ക്കെതിരായ ട്വന്റി20 പരമ്പരയ്ക്കുള്ള ഒരുക്കത്തിലാണ് സഞ്ജു ഇപ്പോള്‍. ടീമിലെ പ്രധാന വിക്കറ്റ് കീപ്പറും ഓപ്പണിങ് ബാറ്ററുമാണ് സഞ്ജു സാംസണ്‍.