ഹാർ​ദിക് പാണ്ഡ്യ ബ്രിട്ടീഷ് ​ഗായികയുമായി പ്രണയത്തിലോ? വൈറലായി അവധിക്കാല ചിത്രങ്ങൾ

ഇന്ത്യൻ ക്രിക്കറ്റ് താരം ഹാർദിക് പാണ്ഡ്യ വീണ്ടും പ്രണയത്തിലെന്ന് റിപ്പോർട്ട്.ബ്രിട്ടീഷ് ഗായിക  ജാസ്മിന വാലിയയുമായി താരം ഡേറ്റിം​ഗിലാണെന്ന റിപ്പോർട്ടുകൾ ​ദേശീയ മാദ്ധ്യമങ്ങളാണ് പുറത്തുവിട്ടത്.താരം നിലവിൽ ​ഗ്രീസിൽ അവധിക്കാല ആഘോഷത്തിലാണ്.ഇതിനിടെ പങ്കുവച്ച ചിത്രങ്ങളാണ് ഏറെ ചർച്ചയാകുന്നത്.

ജാസ്മിന സോഷ്യൽ മീഡിയയിൽ പങ്കുവച്ച ചിത്രങ്ങളും ഹാർദിക് ഷെയർ ചെയ്ത ചിത്രങ്ങളും സമാന സ്ഥലത്ത് നിന്നുള്ളതാണെന്നാണ് ആരാധകരുടെ കണ്ടുപിടിത്തം. സ്വിമ്മിം​ഗ് പൂളിന് അരികിൽ നിന്നുള്ള ചിത്രങ്ങളാണ് ഇരുവരും പങ്കുവച്ചിരിക്കുന്നത്. ഇതോടെയാണ് ഇരുവരും ഒന്നിച്ചാണ് ​ഗ്രീസിൽ അവധിയാഘോഷിക്കുന്നതെന്ന അഭ്യൂഹം ഉയർന്നുവന്നത്.മാത്രമല്ല സോഷ്യൽ മീഡിയയിൽ പരസ്പരം ഇരുവരും പോസ്റ്റുകൾ ലൈക്ക് ചെയ്തതും ഡേറ്റിം​ഗിലാണെന്ന സംശയത്തിന് ആക്കം കൂട്ടി.

എസെക്സിൽ ജനിച്ച ജാസ്മിന്റെ മാതാപിതാക്കൾ ഇന്ത്യൻ ദമ്പതികളാണ്. ​ഇം​ഗ്ലീഷിന് പുറമെ ഹിന്ദി, പഞ്ചാബി, ഭാഷകളിലും ​ആൽബങ്ങൾ ചെയ്തിട്ടുണ്ട്. സെർബിയൻ മോഡ‍ലായിരുന്ന നടാഷ സ്റ്റാൻകോവിച്ചായിരുന്നു ഹാർദിക്കിന്റെ മുൻ ഭാര്യ. അടുത്തിടെയാണ് ഇവർ

വേർപിരിഞ്ഞത്.അതേസമയം ഹാർ​ദിക് നടാഷയെ വഞ്ചിച്ചെന്ന അഭ്യൂഹങ്ങളും പരന്നു. ഇത് ഉറപ്പിക്കുന്ന തരത്തിൽ വഞ്ചനയുടെ മാനസികമായി ചൂഷണയും ചെയ്യുന്നതിന്റെയും ഇരവാദം നടിക്കുന്നതിന്റെയും ചില പോസ്റ്റുകൾ നടാഷ ലൈക്ക് ചെയ്തതും ആരാധകർ ചൂണ്ടിക്കാട്ടി.