പാകിസ്ഥാനെതിരായ ആദ്യ ടെസ്റ്റില്‍ നിന്ന് ബെന്‍ പുറത്ത്

മുള്‍ട്ടാനില്‍ പാക്കിസ്ഥാനെതിരെയുള്ള ആദ്യ ടെസ്റ്റില്‍ നിന്ന് ഇംഗ്ലണ്ട് താരം ബെന്‍ സ്റ്റോക്സ് പുറത്ത്. ഓഗസ്റ്റ് മുതല്‍ ടീമില്‍ നിന്ന് വിട്ടുനില്‍ക്കുന്ന ഇംഗ്ലണ്ട് ടെസ്റ്റ് ക്യാപ്റ്റന്, ശ്രീലങ്കയ്ക്കെതിരായ മുഴുവന്‍ പരമ്പരയും ഇപ്പോള്‍ പാകിസ്ഥാനിലെ ആദ്യ ടെസ്റ്റും നഷ്ടമായിരിക്കുകയാണ്. സ്റ്റോക്സിന്റെ അഭാവത്തില്‍ വൈസ് ക്യാപ്റ്റന്‍ ഒല്ലി പോപ്പ് ടീമിനെ നയിക്കും.

ടീമിനൊപ്പം യാത്ര ചെയ്യുകയും പരിശീലന സെഷനുകളില്‍ പങ്കെടുക്കുകയും ചെയ്തിട്ടും, സ്റ്റോക്സ് ഇംഗ്ലണ്ടിന്റെ പ്ലെയിങ് ഇലവനില്ല. താരം ഇപ്പോഴും മാച്ച് ഫിറ്റന്‍സില്‍ എത്തിയിട്ടില്ലെന്ന് ഔദ്യോഗിക പ്രസ്താവനയില്‍ പറയുന്നു. ബ്രൈഡന്‍ കാര്‍സെ പാകിസ്താന് എതിരായ ആദ്യ ടെസ്റ്റിലൂടെ അരങ്ങേറ്റം കുറിക്കും.