/kalakaumudi/media/agency_attachments/zz0aZgq8g5bK7UEc9Bb2.png)
New Update
/kalakaumudi/media/media_files/cJNRBeeaLNIjMDhTrCLg.PNG)
Matthew Ebden and Rohan Bopanna
00:00
/ 00:00
ന്യൂയോര്‍ക്ക് : യുഎസ് ഓപ്പണ്‍ പുരുഷ ഡബിള്‍സില്‍ ഇന്ത്യയുടെ രോഹന്‍ ബൊപ്പണ്ണയും പങ്കാളി മാത്യു എബ്ഡനും പുറത്ത്. 1-6, 5-7 എന്ന സ്‌കോറിന് അര്‍ജന്റീനിയന്‍ ജോഡിയായ മാക്‌സിമോ ഗോണ്‍സാലസ്-ആന്ദ്രേസ് മൊള്‍ട്ടേനി സഖ്യത്തോട് ഇരുവരും പ്രീക്വാര്‍ട്ടറില്‍ തോല്‍വി സമ്മതിച്ചത്.
ആദ്യ സെറ്റില്‍ ഗോണ്‍സാലസും മൊള്‍ട്ടേനിയും 6-1ന് ആധിപത്യം സ്ഥാപിച്ചു. രണ്ടാം സെറ്റില്‍ ബൊപ്പണ്ണയും എബ്ഡനും പ്രതിരോധം കാട്ടിയെങ്കിലും 5-5ന് നില്‍ക്കെ നിര്‍ണായക ബ്രേക്ക് തടയാനായില്ല. ഇതാണ് തോല്‍വിയിലേക്ക് നയിച്ചത്. തോല്‍വിയോടെ പുരുഷ ഡബിള്‍സില്‍ ബൊപ്പണ്ണ-എബ്ഡന്‍ സഖ്യം പുറത്തായെങ്കിലും മിക്സഡ് ഡബിള്‍സ് ക്വാര്‍ട്ടര്‍ ഫൈനലില്‍ ഇരുവര്‍ക്കും പരസ്പരം മത്സരിക്കാം. ആല്‍ഡില സുത്ജിയാദിക്കൊപ്പം ബൊപ്പണ്ണ എബ്ഡനെയും ബാര്‍ബോറ ക്രെജിക്കോവയെയും നേരിടും.