ആന്‍ഡ്രി റൂബ്ലെവിനെ പരാജയപ്പെടുത്തി അലക്‌സാണ്ടര്‍ സ്വെരേവ്

അരീന : ഇനാല്‍പി അരീനയില്‍ ആന്‍ഡ്രി റുബ്ലേവിനെതിരെ നേരിട്ടുള്ള സെറ്റുകള്‍ക്ക് വിജയിച്ച് അലക്‌സാണ്ടര്‍ സ്വെരേവ് തന്റെ എടിപി ഫൈനല്‍സ് കാമ്പെയ്ന്‍ ശക്തമായി തുടങ്ങി.

റുബ്ലേവിനെ 6-4, 6-4 എന്ന സ്‌കോറിനാണ് സ്വെരേവ് തോല്‍പ്പിച്ചത് ഓരോ സെറ്റിലും ഒരു തവണ റുബ്ലെവിന്റെ സെര്‍വ് ഭേദിച്ച് സീസണിലെ തന്റെ 67-ാം വിജയം സ്വരേവ് കുറിച്ചു. 

ജര്‍മ്മന്‍ താരം അടുത്തതായി നവംബര്‍ 14 ന് കാസ്പര്‍ റൂഡുമായി ഏറ്റുമുട്ടും, തുടര്‍ന്ന് കാര്‍ലോസ് അല്‍കാരസിനെതിരെ ഏറെ പ്രതീക്ഷയോടെ കാത്തിരിക്കുന്ന മത്സരവും നടക്കും.

നാളെ നടക്കുന്ന ഗ്രൂപ്പ് ഘട്ട മത്സരത്തില്‍ അല്‍കാരാസ് റുബ്ലെവിനെ നേരിടും. ഡബിള്‍സ് ഇനത്തിലെ ഉദ്ഘാടന മത്സരത്തില്‍ രോഹന്‍ ബൊപ്പണ്ണയും മാത്യു എബ്ഡനും പരാജയപ്പെട്ടത് ഇന്ത്യന്‍ ടെന്നീസ് പ്രേമികള്‍ക്ക് നിരാശ നല്‍കി.