തമിഴ്‌നാട്ടിൽ ക്ഷേത്ര പരിസരത്ത് നിന്ന് റോക്കറ്റ് ലോഞ്ചർ

തമിഴ്‌നാട്ടിൽ ക്ഷേത്ര പരിസരത്ത് നിന്ന് റോക്കറ്റ് ലോഞ്ചർ കണ്ടെത്തി. കഴിഞ്ഞ ദിവസം വൈകുന്നേരം തമിഴ്‌നാട് തിരുച്ചിറപ്പള്ളി ജില്ലയിലെ കാവേരി നദീതീരത്ത് നിന്നാണ് റോക്കറ്റ് ലോഞ്ചർ കണ്ടെത്തിയത്. ആണ്ടല്ലൂർ ക്ഷേത്രത്തിലെത്തിയ വിശ്വാസികളാണ് അസാധാരണ വസ്തു ആദ്യം കണ്ടത്. തുടർന്ന് സംഭവം പൊലീസിൽ അറിയിക്കുകയായിരുന്നു.

ബോംബ് ആണെന്ന നിഗമനത്തിലായിരുന്നു ആദ്യം ചുറ്റും കൂടിയവർ. ഇതേ തുടർന്നാണ് പൊലീസിൽ വിവരം അറിയിച്ചതും. വിവരം അറിഞ്ഞ് സ്ഥലത്തെത്തിയ പൊലീസ് ഉടനെ റോക്കറ്റ് ലോഞ്ചർ നദിയിൽ നിന്നെടുത്ത് ഇന്ത്യൻ ആർമിയുടെ 117 ഇൻഫെന്ററി ബറ്റാലിയന് കൈമാറി.

റോക്കറ്റ് ലോഞ്ചർ നദീതീരത്ത് എത്തിയത് എങ്ങനെയെന്ന് വ്യക്തമല്ല. സംഭവത്തിന് പിന്നാലെ പ്രദേശത്തെ ജനങ്ങൾ ആശങ്കയിലാണ്. സംഭവത്തിൽ അന്വേഷണം ആരംഭിച്ചതായി പൊലീസ് അറിയിച്ചു.