രണ്ടു ദിവസത്തെ സന്ദർശനത്തിനായി പ്രിയങ്ക ഇന്ന് വയനാട്ടിൽ

വയനാട്: പാർലമെന്റ് ഉപതെരഞ്ഞെടുപ്പിൽ വയനാട് മണ്ഡലത്തിൽ നിന്നും വൻ ഭൂരിപക്ഷത്തോടെ വിജയിച്ച പ്രിയങ്ക ഗാന്ധി ഇന്ന് മണ്ഡലം സന്ദർശിക്കാൻ എത്തും.രണ്ടു ദിവസത്തെ സന്ദർശനത്തിനായി എത്തുന്ന പ്രിയങ്ക ആദ്യ ദിനം മലപ്പുറം ജില്ലയിലെ സ്ഥലങ്ങളായിരിക്കും സന്ദർശിക്കുക.

രാവിലെ 12 മണിക്ക് സഹോദരനും പ്രതിപക്ഷ നേതാവുമായ രാഹുൽ ഗാന്ധിക്കൊപ്പം മുക്കം,തിരുവമ്പാടി എന്നിവടങ്ങളിലെ സ്വീകരണ പരിപാടികളിൽ പങ്കെടുക്കും.കൂടാതെ മലപ്പുറം ജില്ലയിലെ കരുളായി,വണ്ടൂർ,എടവണ്ണ തുടങ്ങിയ സ്ഥലങ്ങളിൽ നടക്കുന്ന പൊതു സമ്മേളനങ്ങളിലും പങ്കെടുക്കും.

വയനാട് തെരഞ്ഞെടുപ്പ് പ്രിയങ്കയുടെ കന്നിയങ്കമാണ്.നാല് ലക്ഷത്തിലേറെ വോട്ടുകൾക്കാണ് ജയം.വിജയത്തിന് പിന്നാലെ വയനാട്ടിലെ വോട്ടർമാർക്ക് നന്ദിയറിയിച്ച പ്രിയങ്ക വോട്ടർമാരുടെ തീരുമാനം ശെരിയായിരുന്നു എന്ന് വൈകാതെ ബോധ്യപ്പെടുത്തും എന്നും വയനാടിന്റെ ആവശ്യങ്ങൾ നേടിയെടുക്കാൻ സഭയിൽ ശബ്ദമുയർത്തും എന്നും പറഞ്ഞിരുന്നു.സത്യാപ്രതിജ്ഞ വേളയിൽ കേരള വേഷത്തിൽ എത്തിയത് ചർച്ചയായിരുന്നു.