ടിവികെയുടെ ആദ്യ സമ്മേളനത്തിന് മുന്നോടിയായി പ്രവർത്തകർക്ക് വിജയ്‌യുടെ കത്ത്

ചെന്നൈ: തമിഴക വെട്രി കഴകത്തിന്റെ ആദ്യ സമ്മേളനത്തിന് മുന്നോടിയായി പ്രവർത്തകർക്ക് കത്തെഴുതി വിജയ്. സമ്മേളനം നടക്കുന്ന വിഴുപ്പുറത്ത് കഴിഞ്ഞ ദിവസം ഭൂമിപൂജ നടന്നിരുന്നു. ഇതിനു പിന്നാലെയാണ് താരം പ്രവർത്തകർക്ക് കത്തെഴുതിയത്. കത്ത് വിജയ് എക്സിലൂടെ പുറത്തുവിട്ടു. വിമർശകരുടെ നിരവധി ചേദ്യങ്ങൾക്ക് സമ്മേളനത്തിൽ മറുപടി നൽകുമെന്ന് പറഞ്ഞ വിജയ് പ്രവർത്തകർക്ക് നിർദേശങ്ങളും നൽകിയിട്ടുണ്ട്. 

പാർട്ടി സമ്മേളനത്തിനൊരുങ്ങാൻ പ്രവർത്തകരോട് ആഹ്വാനം ചെയ്യുന്ന വിജയ്‌യുടെ കത്തിൽ ഉടനീളം പ്രവർത്തനരീതിയെപറ്റിയാണുള്ളത്. കുടുംബത്തിൽ സ്വീകാരനാവുക, മികച്ച പൗരനാവുക, റോൾ മോഡലായിത്തീരുക. ഇവ മൂന്നുമാണ് ഏറ്റവും പ്രധാനമെന്ന് വിജയ് പറയുന്നു. നിരവധി ചോദ്യങ്ങൾ ദിവസവും ഉയരുന്നുണ്ട്. രാഷ്ട്രീയത്തിൽ എത്രനാൾ നിലനിൽക്കുമെന്നാണ് പ്രധാനചോദ്യം. എല്ലാത്തിലും സമ്മേളനത്തിൽ മറുപടി നൽകും – വിജയ് പറയുന്നു. ചിട്ടയാണ് പ്രവർത്തനമാണ് വേണ്ടതെന്ന് ഓർമ്മിപ്പിക്കുന്ന വിജയ്‌യുടെ കത്തിൽ പാർട്ടിക്ക് വ്യക്തമായ ചട്ടക്കൂട് ഉണ്ടാകുമെന്ന സൂചനയുമുണ്ട്. പാർട്ടി രൂപീകരിച്ചത് ജനങ്ങൾക്ക് വേണ്ടിയാണെന്നും അവരുടെ പ്രശ്‌നങ്ങളിൽ അവസാനം വരെ കൂടെ കാണണമെന്നും വിജയ് പ്രവർത്തകരോട് പറയുന്നു. വിവേകപൂർവം സമ്മേളനത്തിൽ പങ്കെടുക്കണമെന്നും വിജയ് ആവശ്യപ്പെട്ടു.