കോൺഗ്രസ് എം.പി വസന്ത് ചവാൻ അന്തരിച്ചു

മുംബൈ: മഹാരാഷ്ടയിൽ നിന്നുള്ള കോൺഗ്രസ് എം.പി വസന്ത് ചവാൻ അന്തരിച്ചു.അറുപത്തിയൊമ്പത് വയസ്സായിരുന്നു. വൃക്ക സംബന്ധമായ അസുഖത്തെ തുടർന്ന് കഴിഞ്ഞ ആഴ്ച മുതൽ ഹൈദരാബാദിലെ സ്വകാര്യ ആശുപത്രിയിൽ ചികിത്സയിലായിരുന്നു.ദീർഘനാളായി അസുഖ ബാധിതനായിരുന്നു. പുലർച്ചെ 4 മണിയോടെയായിരുന്നു മരണം. അന്ത്യകർമ്മങ്ങൾ നൈഗാവിൽ രാവിലെ 11  മണിക്ക് നടന്നു.

അനാരോഗ്യത്തെയും കൂടെയുള്ളവരുടെ കൂറുമാറ്റത്തെയും പിൻതള്ളിയാണ് അദ്ദേഹം നന്ദേഡ് ലോക്‌സഭാ സീറ്റിൽ വിജയിച്ചത്. സിറ്റിങ് എം.പിയായിരുന്ന പ്രതാപ് ചിഖലികറിനെയാണ് വസന്തറാവു പരാജയപ്പെടുത്തിയത്. 5,28,894 വോട്ടുകൾ നേടിയാണ് വിജയിച്ചത്.