ജമൈക്കന്‍ പ്രധാനമന്ത്രിക്കൊപ്പം ക്രിസ് ഗെയിലും; മോദിയെ കണ്ടു

ജമൈക്കന്‍ പ്രധാനമന്ത്രി ആന്‍ഡ്രൂ ഹോള്‍നസിന്റെ ഇന്ത്യാ സന്ദര്‍ശന വേളയില്‍ പ്രധാനമന്ത്രി നരേന്ദ്ര മോദിയുമായുള്ള കൂടിക്കാഴ്ച നടത്താന്‍ ക്രിസ് ഗെയിലും. തന്റെ ഔദ്യോഗിക ഇന്‍സ്റ്റാഗ്രാം അക്കൗണ്ടിലൂടെയാണ് ക്രിസ് ഗെയില്‍ ഇക്കാര്യം അറിയിച്ചത്. ക്രിസ് ഗെയ്ലിന് ഇന്ത്യയില്‍ എന്നും ഒരു പ്രത്യേക സ്ഥാനമുണ്ട്.  ഇന്ത്യന്‍ പ്രീമിയര്‍ ലീഗിലെ  ഗെയ്‌ലിന്റെ   തകര്‍പ്പന്‍ പ്രകടനം  തന്നെയാണ് അതിനു കാരണം. ക്രിക്കറ്റിലെ ഏറ്റവും സ്ഫോടനാത്മക ഓപ്പണറായാണ്   ലോകം  ക്രിസ് ഗെയ്ലിനെ  വാഴ്ത്തുന്നത്.റോയല്‍ ചലഞ്ചേഴ്സ് ബംഗളൂരുവിന്  വേണ്ടിയുള്ള അദ്ദേഹത്തിന്റെ  മിന്നുന്ന പ്രകടനം  മുതല്‍  വിരാട് കോഹ്ലിയെപ്പോലുള്ള ഇന്ത്യന്‍ ക്രിക്കറ്റ് ഐക്കണുകളുമായുള്ള ബന്ധം വരെ, ഗെയിലിനെ  ഇന്ത്യന്‍  ക്രിക്കറ്റ് പ്രേമികള്‍ക്ക് സുപരിചിതനാക്കി.