ദുബായിൽ ആര്യന്റെ പാർട്ടി,പങ്കെടുത്തത് സെലിബ്രിറ്റികൾ

കുറച്ച് ദിവസങ്ങൾക്ക് മുമ്പാണ് ഷാരൂഖ് ഖാന്റെ മകൻ ആര്യൻ ഖാന്റെ ക്ലോത്തിങ് ബ്രാൻഡായ Dyavol'X-ന്റെ ലോഞ്ചിങ് ദുബായിൽ നടന്നത്. ഷാരൂഖും ഗൗരിയും സുഹാനയും അബ്രാമുമെല്ലാം ചടങ്ങിൽ പങ്കെടുത്തിരുന്നു. ഇവരുടെ എയർപോർട്ടിൽ നിന്നുള്ള വീഡിയോയും ചടങ്ങിൽ ഷാരൂഖ് ഗൗരിയുടെ അമ്മ സവിത ചിബ്ബറിനൊപ്പം നൃത്തം ചെയ്യുന്ന വീഡിയോയുമെല്ലാം സോഷ്യൽ മീഡിയയിൽ വൈറലായിരുന്നു

ഇതിന് പിന്നാലെ ആര്യൻ ഖാൻ നടത്തിയ പാർട്ടിയിൽ നിന്നുള്ള ചിത്രങ്ങളും പുറത്തുവന്നു. ടെലിവിഷൻ താരം എറിക ഫെർണാണ്ടസിനൊപ്പമാണ് ആര്യൻ പാർട്ടി സംഘടിപ്പിച്ചത്. എറികയാണ് ചിത്രങ്ങൾ ഇൻസ്റ്റയിൽ പോസ്റ്റ് ചെയ്തത്. സുഹാന ഖാനൊപ്പമുള്ള സെൽഫിയും ആര്യൻ ഖാനും എംവിഎം എന്റെർടെയ്‌മെന്റിന്റെ വേദാന്ത് മഹാജനും ഒരുമിച്ചുള്ള ചിത്രവും എറിക പങ്കുവെച്ചിട്ടുണ്ട്. കനേഡിയൻ ഗായകൻ ടെഷറും ബിഗ് ബോസ് താരവും ഗായകനുമായ അബ്ഗു റോസികും പാർട്ടിയിൽ പങ്കെടുത്തു. ഗ്രേ നിറത്തിലുള്ള ഗൗണായിരുന്നു സുഹാനയുടെ ഔട്ട്ഫിറ്റ്.