ഉത്തർപ്രദേശിൽ ഡബിൾ ഡക്കർ ബസും ലോറിയും കുട്ടിയിടിച്ച് അപകടം

ഉത്തർപ്രദേശിൽ ഡബിൾ ഡക്കർ ബസും ലോറിയും കൂട്ടിയിടിച്ചുണ്ടായ   അപകടത്തിൽ അഞ്ച് മാസം പ്രായമുള്ള കുഞ്ഞ് ഉൾപ്പെടെ 5 പേർക്ക് ദാരുണാന്ത്യം.ഉത്തർപ്രദേശിലെ അലിഗഢിന് സമീപം യമുന എക്‌സ്പ്രസ് വേയിൽ ഡൽഹിയിൽ നിന്ന് അലിഗഢിലേക്ക് പോവുകയായിരുന്ന ബസും ലോറിയുമാണ് അപകടത്തിൽപ്പെട്ടത്.അമിത വേഗതയിലെത്തിയ ബസ് നിയന്ത്രണം നഷ്ടപ്പെട്ട് ലോറിയുടെ പിൻഭാഗത്ത്  ഇടിക്കുകയായിരുന്നു.ഇതിൽ 5 മാസം പ്രായമുള്ള കുഞ്ഞ് ഉൾപ്പെടെ 5 പേർ മരിച്ചു.പതിനഞ്ചിലധികം യാത്രക്കാർ ബസിൻ്റെ അവശിഷ്ടങ്ങൾക്കിടയിൽ കുടുങ്ങി.വിവരമറിഞ്ഞെത്തിയ നാട്ടുകാർ ബസിൻ്റെ ചില്ലുകൾ തകർത്താണ് അപകടത്തിൽപ്പെട്ടവരെ രക്ഷപ്പെടുത്തി ആശുപത്രിയിലെത്തിച്ചത്.അപകട കാരണം പോലീസ് അന്വേഷിച്ചുവരികയാണ്.