കളിച്ചുകൊണ്ടിരിക്കേ വീടിന്റെ ബാൽക്കണി തകർന്ന് വീണു; മൂന്ന് കുട്ടികൾക്ക് ദാരുണാന്ത്യം

ചണ്ഡീ​ഗഡ്: കളിച്ചുകൊണ്ടിരിക്കേ വീടിന്റെ ബാൽ‍ക്കണി തകർന്ന് വീണ് മൂന്ന് കുട്ടികൾക്ക് ദാരുണാന്ത്യം.ഹരിയാനയിലെ ഫരീദാബാദിലാണ് സംഭവം. 10 വയസുകാരൻ ആദി, ഒൻപത് വയസുള്ള ആകാശ്, ഏഴു വയസുകാരി മുസ്കാൻ എന്നിവരാണ് മരിച്ചത്.‌‍സിക്രി ​ഗ്രാമത്തിൽ വെള്ളിയാഴ്ച വൈകിട്ടാണ് സംഭവം.

 ബാൽക്കണിയിൽ കളിച്ചു കൊണ്ടിരിക്കേയാണ് അപകടം. ഒരേ കുടുംബത്തിലെ മൂന്ന് കുട്ടികളാണ് മരിച്ചത്. ഇവർക്കൊപ്പം കളിച്ച് കൊണ്ടിരുന്നു മറ്റ് രണ്ട് പെൺകുട്ടികൾ അത്ഭുതകരമായി രക്ഷപ്പെട്ടു.മഴകാരണം ഈർപ്പമിറങ്ങിയാകാം ബാൽ‍ക്കണി തകർന്നതെന്നാണ് പൊലീസിന്റെ പ്രാഥമിക നി​ഗമനം.