/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/media_files/2024/11/20/x7IuSZEJIjpTyhXZauqw.PNG)
തുടര്‍ച്ചയായ പരാജയങ്ങളില്‍ നിന്നും കരകയറാനൊരുങ്ങി ചിയാന്‍ വിക്രമം.ഇനി വിജയിച്ചു കയറിയേ തീരൂ എന്ന തീരുമാനമെടുത്ത താരം മികച്ച സംവിധായകനോടൊപ്പം കൈകോര്‍ക്കുന്നു.'മണ്ടേല', ശിവകാര്‍ത്തികേയന്‍ ചിത്രമായ 'മാവീരന്‍' എന്നീ സിനിമകള്‍ക്ക് ശേഷം മഡോണ്‍ അശ്വിന്‍ സംവിധാനം ചെയ്യുന്ന അടുത്ത സിനിമയില്‍ വിക്രമാണ് നായകനായി എത്തുന്നതെന്നാണ് റിപ്പോര്‍ട്ടുകള്‍ സൂചിപ്പിക്കുന്നത്.സിനിമയുടെ ഷൂട്ടിംഗ് ഉടന്‍ ആരംഭിക്കുമെന്നും വീര ധീര സൂരന് ശേഷം വിക്രം ഈ സിനിമയിലാകും അഭിനയിക്കുന്നതെന്നാണ് പുറത്തുവരുന്ന വാര്‍ത്തകള്‍ സൂചിപ്പിക്കുന്നത്.ഇത് സംബന്ധിച്ച് ഔദ്യോഗിക പ്രഖ്യാപനം ഉണ്ടായിട്ടില്ല.
അടുത്തിടെ ഇറങ്ങിയ മോശം സിനിമകളും ബോക്‌സ് ഓഫീസ് പരാജയങ്ങളും വിക്രമിന് തിരിച്ചടിയായിരുന്നു.ഇതില്‍ നിന്നൊക്കെ കരകയറാന്‍ താരം കുറച്ചു നാളായി ആലോചനയിലാണ്.ഇതിന്റെ പരിസമാപ്തിയെന്ന നിലയിലാണ് മികച്ച സംവിധായകനെന്നു പേരുകേട്ട മഡോണ്‍ അശ്വിനുമായി കൈകോര്‍ക്കുന്നത്. 'ചിത്ത' എന്ന സിനിമയ്ക്ക് ശേഷം എസ് യു അരുണ്‍കുമാര്‍ ഒരുക്കുന്ന 'വീര ധീര സൂരന്' എന്ന സിനിമയിലാണ് വിക്രം ഇപ്പോള്‍ അഭിനയിക്കുന്നത്.ഇതിന് ശേഷം മഡോണ്‍ അശ്വിന്റെ ചിത്രത്തില്‍ ജോയിന്‍ ചെയ്യുമെന്നാണ് സൂചന.
ഒരു നാടന്‍ ആക്ഷന്‍ ത്രില്ലറാകും വിക്രം ഇപ്പോള്‍ അഭിനയിക്കുന്ന 'വീര ധീര സൂരന്' എന്നാണ് സൂചന.ചെന്നൈയിലെ തിരുവള്ളൂര്‍ ജില്ലയിലെ തിരുട്ടണി എന്ന ചെറുപട്ടണത്തിലാണ് കഥ നടക്കുന്നത്.എസ് ജെ സൂര്യയും, സുരാജ് വെഞ്ഞാറമൂടും സിനിമയുടെ ഭാഗമാണ്.സുരാജിന്റെ ആദ്യ തമിഴ് ചിത്രം കൂടിയാണിത്.തെന്നിന്ത്യയിലെ പ്രശസ്ത ഛായാഗ്രാഹകന്‍ തേനി ഈശ്വറാണ് സിനിമയ്ക്കായി ക്യാമറ ചലിപ്പിക്കുക.
പേരന്‍പ്,കര്‍ണ്ണന്‍, മാമന്നന്‍ തുടങ്ങിയ തമിഴ് ചിത്രങ്ങളുടെയും പുഴു,നന്‍പകല്‍ നേരത്ത് മയക്കം,ഓസ്ലര്‍ തുടങ്ങിയ മലയാള സിനിമകളുടെയും ഛായാഗ്രഹണം നിര്‍വഹിച്ചത് തേനി ഈശ്വറായിരുന്നു.ദുഷാര വിജയനാണ് സിനിമയില്‍ നായികാ വേഷത്തിലെത്തുന്നത്.ജി വി പ്രകാശ് കുമാര്‍ ആണ് സിനിമയ്ക്ക് സംഗീതം ഒരുക്കുന്നത്.എച്ച് ആര്‍ പിക്‌ചേഴ്സിന്റെ ബാനറില്‍ റിയ ഷിബുവാണ്‌ നിര്‍മ്മാണം.