‘ലക്കി ഭാസ്കർ’ ട്രെയിലർ ഏറ്റെടുത്ത് ആരാധകർ; ചിത്രം ദീപാവലിക്ക് തിയറ്ററുകളിൽ

ദുൽഖർ സൽമാന്‍ നായകനാകുന്ന പാൻ ഇന്ത്യൻ തെലുങ്ക് ചിത്രം ‘ലക്കി ഭാസ്കർ’ന്റെ ട്രെയിലർ പുറത്ത്. വെങ്കി അറ്റ്ലൂരിയാണ് തിരക്കഥയും സംവിധാനവും. ദീപാവലി റിലീസായി ഒക്ടോബർ 31 ന് ചിത്രം റിലീസ് ചെയ്യും. ചിത്രം നിർമ്മിച്ചിരിക്കുന്നത് സൂര്യദേവര നാഗവംശി, സായി സൗജന്യ എന്നിവരുടെ നേതൃത്വത്തിലുള്ള സിതാര എന്റർടൈൻമെൻറ്സും ഫോർച്യൂൺ ഫോർ സിനിമാസും ചേർന്നാണ്.

സാധാരണക്കാരന്റെ അസാധാരണ യാത്ര എന്ന വിശേഷണത്തോടെ അവതരിപ്പിക്കുന്ന ലക്കി ഭാസ്കർ, മിഡിൽ ക്ലാസുകാരനായ ഭാസ്കർ എന്ന കഥാപാത്രത്തിന്റെ ജീവിതത്തിലുണ്ടാവുന്ന അസാധാരണമായ സംഭവങ്ങളാണ് അവതരിപ്പിക്കുന്നത്. സുമതി എന്ന നായിക കഥാപാത്രമായെത്തുന്നത് മീനാക്ഷി ചൗധരിയാണ്.

നിമിഷ് രവി ഛായാഗ്രഹണവും ബംഗ്ലാൻ പ്രൊഡക്ഷൻ ഡിസൈനിങ്ങും നിർവഹിക്കുന്നു. ജി. വി. പ്രകാശ് കുമാറാണ് സംഗീതസംവിധായകൻ. എഡിറ്റിംഗ് - നവീൻ നൂലി. തെലുങ്കിനൊപ്പം മലയാളം, തമിഴ്, ഹിന്ദി, കന്നഡ ഭാഷകളിൽ ചിത്രം റിലീസ് ചെയ്യും.