വിദേശത്ത് നിന്നും ജൂനിയർ എൻടിആറിന്റെ ദേവര അഡ്വാൻസായി നേടിയത് ഞെട്ടിക്കുന്ന തുക

ജൂനിയർ എൻടിആറിന്റെ ഏറ്റവും പുതിയ ചിത്രമാണ് ദേവര.കൊരട്ടല ശിവ  സംവിധാനം ചെയ്യുന്ന ബിഗ് ബജറ്റ് ചിത്രത്തിനായുള്ള കാത്തിരിപ്പിലാണ് ലോകമെമ്പാടുമുള്ള ആരാധകർ.ഇന്ത്യൻ പ്രേക്ഷകർ ഏറെ പ്രതീക്ഷയോടെ കാത്തിരിക്കുന്ന ദേവരയുടെ കേരളത്തിലെ വിതരണാവകാശം  ദുൽഖർ സൽമാന്റെ വേഫറർ ഫിലിംസാണ് സ്വന്തമാക്കിയത്. കൊരട്ടല ശിവയും എൻടിആറും ജനതാ ഗാരേജിന് ശേഷം ഒരുമിക്കുന്ന ചിത്രത്തിൽ ബോളിവുഡ് താരങ്ങളായ ജാൻവി കപൂറും സെയ്ഫ് അലി ഖാനും പ്രധാന വേഷങ്ങളിൽ എത്തുന്നുണ്ട്. ജാൻവിയുടെ ആദ്യ തെലുങ്ക് ചിത്രം കൂടിയാണ് ദേവര.

ഇന്ത്യയിലെ ഭാഷഭേദമന്യേയുള്ള സിനിമാ പ്രേക്ഷകരുടെ ഇഷ്ടതാരമാണ് ജൂനിയർ എൻടിആർ.ഇപ്പോഴിതാ ജൂനിയർ എൻടിആറിന്റെ ദേവരയ്ക്ക്  വിദേശത്ത് നിന്നും മികച്ച സ്വീകാര്യത ഉണ്ടാകുമെന്നാണ് അഡ്വാൻസ് കളക്ഷൻ കണക്കുകൾ വ്യക്തമാക്കുന്നത്.വിദേശത്ത് നിന്ന് ദേവര 30  കോടി രൂപ പ്രീ  സെയിലായി നേടിയെന്നാണ് പുറത്തുവന്ന റിപ്പോർട്ടുകൾ പറയുന്നത്.സംവിധാനം കൊരടാല ശിവ നിർവഹിക്കുന്ന ചിത്രത്തിന് യുഎ സർട്ടിഫിക്കറ്റാണ്. ദേവരയുടെ റിലീസ് സെപ്‍തംബർ 27നാണ്. ജൂനിയർ എൻടിആറിന്റെ ദേവരയുടെ ഓപ്പണിംഗ് കളക്ഷൻ കണക്കുകൾക്കായി കാത്തിരിക്കുകയാണ് നടന്റെ ആരാധകർ.

ജൂനിയർ എൻടിആർ, ജാൻവി കപൂർ, സെയ്‍ഫ് അലി ഖാൻ എന്നിവർക്ക് പുറമെ പ്രകാശ് രാജ്, ശ്രീകാന്ത്, ഷൈൻ ടോം ചാക്കോ, നരേൻ, കലൈയരശൻ, അജയ്,അഭിമന്യു സിംഗ് എന്നിവരും പ്രധാന വേഷത്തിലെത്തുന്നു. റെക്കോർഡ് പ്രതിഫലമായിരിക്കും ജാൻവി കപൂർ വാങ്ങിക്കുക എന്ന് റിപ്പോർട്ടുണ്ടായിരുന്നു. ഛായാഗ്രാഹണം രത്‍നവേലുവാണ്. സാബു സിറിലാണ് പ്രൊഡക്ഷൻ ഡിസൈൻ.രാജമൌലിയുടെ വൻ ഹിറ്റായ ആർആർആറിന് ശേഷം ജൂനിയർ എൻടിആറിന്റേതായി എത്തുന്ന ഒരു ചിത്രം എന്ന പ്രത്യേകതയും ദേവരയ്‍ക്കുണ്ട്. എന്തായാലും ജൂനിയർ എൻടിആറിന്റെ ദേവര സിനിമയും വൻ ഹിറ്റാകും എന്നാണ് പ്രതീക്ഷ.