എനിക്ക് വയസായത് കൊണ്ടാണോ, വോയിസ് മനസിലായില്ലേ, എന്റെ പേര് കമല്‍ഹാസന്‍'

കമലാഹാസനുമായുള്ള  വ്യക്തിപരമായ  അടുപ്പം  പങ്കുവെച്ച്  നടി  സീമ. ഒരു ഓൺലൈൻ ചാനലിൽ നൽകിയ  അഭിമുഖത്തിലാണ് നടി  ഇക്കാര്യം പറഞ്ഞത്. കമൽ  ഹാസനുമായുള്ള  ബന്ധം  ഒരിക്കലും  മറക്കാനാവില്ല. ശശിയേട്ടന്റെ ഏറ്റവും  അടുത്ത  സുഹൃത്തതായിരുന്നു കമൽ. അവളുടെ രാവുകളിൽ കമൽ ഹസൻ അഭിനയിച്ചിട്ടുണ്ട്,. എന്നാൽ  അധികമാർക്കും   ഇതറിയില്ലെന്നും സീമ പറഞ്ഞു. കമൽ  ഐവി ശശിയോട്   ചോദിച്ചു വാങ്ങിയതാണ് അവളുടെ രാവുകളിൽ   ചെറിയൊരു  വേഷം.റെയിൽ വേ സ്‌റ്റേഷനിലുള്ള  സീനിൽ കമൽഹാസൻ ഉണ്ട്.ഐവി  ശശിയുടെ 19ഓളം ചിത്രങ്ങളിലാണ് കമൽ ഹാസൻ അഭിനയിച്ചത്.ജോജു  ജോർജ്  പണി  കമൽഹാസനെ  കാണിച്ചിരുന്നു . കണ്ടതിനു ശേഷം അദ്ദേഹം വിളിച്ച  കാര്യം സീമ  പറഞ്ഞു.   

ഞാൻ പണി കണ്ടു.നീ അസലായി.ശബ്ദം മനസിലാകാത്തത് കൊണ്ട് ആരാണ് വിളിക്കുന്നതെന്ന് ചോദിച്ചു.എനിക്ക്  വയസായതു  കൊണ്ടാണോ ? നിനക്കെന്റെ വോയിസ് പോലും  മനസിലായില്ലേ. എന്റെ പേര്   കമൽ ഹാസനെന്നാണ്. ഞാൻ പെട്ടെന്ന് ഞെട്ടി എണീറ്റു. നിനക്ക്  എന്റെ  ശബ്ദം മനസിലായില്ല അല്ലെ.ഞാൻ സോറി പറഞ്ഞു. നിന്നെ അമ്മയായിട്ട് ഞാൻ കണ്ടിട്ടില്ല .കുട്ടിയായിട്ടേ   കണ്ടിട്ടുള്ളു.ആദ്യമായാണ് അമ്മ വേഷത്തിൽ കാണുന്നത്.കമൽ ഹാസനിൽ നിന്നും  അങ്ങനെ  കേൾക്കുക  സന്തോഷമുള്ള കാര്യമാണെന്നും സീമ പറയുന്നു. ഏറ്റവും പ്രിയപ്പെട്ട കഥാപാത്രം ഏതാണെന്ന് ചോദിച്ചാൽ അവളുടെ രാവുകളിലെ രാജിയെ  പറയുമെന്നും സീമ കൂട്ടി ചേർത്തു.