/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/media_files/N6JF2BubQ577m9LkjVmU.JPG)
ajith kumar and shalini
മലയാളത്തിൽ ബാലതാരമായി അരങ്ങേറ്റം കുറിച്ച് പ്രേക്ഷക പ്രിയങ്കരിയായി മാറിയ താരമാണ് ശാലിനി. മലയാളത്തിൽ മാത്രമല്ല തമിഴിലടക്കം താരം ങിറ്റ് സിനിമകളിൽ അഭിനയിച്ചിട്ടുണ്ട്.അന്നു തൊട്ട് ഇന്നോളം മലയാളികളുടെ എക്കാലത്തെയും പ്രിയ നായികമാരിൽ ഒരാളാണ് ശാലിനി. തമിഴ് നടൻ അജിത്ത് കുമാറുമായി വിവാഹിതയായ ശേഷം സിനിമയിൽ നിന്ന് വിട്ടുനിന്ന താരത്തിന് ഇന്നും വലിയൊരു ആരാധകവൃന്ദം തന്നെയുണ്ട്. തെന്നിന്ത്യയിൽ ഏറെ ആരാധകരുള്ള താരജോഡികൾ കൂടിയാണ് ശാലിനിയും അജിത്തും.
അജിത്തിന്റെ പല വിശേഷങ്ങളും ശാലിനിയുടെ സോഷ്യൽ മീഡിയ അക്കൗണ്ടുകളിലൂടെയാണ് പ്രേക്ഷകർ അറിയാറുള്ളത്.ഇപ്പോഴിതാ അജിത്തിനൊപ്പം അവധിക്കാലം ആഘോഷമാക്കുന്ന വീഡിയോ പങ്കിട്ടിരിക്കുകയാണ് ശാലിനി. കുടുംബത്തോടൊപ്പം അവധി ആഘോഷിക്കാൻ സ്‌പെയിനിലാണ് അജിത് കുമാർ. താനും അജിത്തും സ്പെയിനിലെ തെരുവുകളിലൂടെ റൊമാൻ്റിക് സ്‌ട്രോൾ ചെയ്യുന്ന വീഡിയോയാണ് ശാലിനി പോസ്റ്റ് ചെയ്തത്. ‘‘ഒരുമിച്ചിരിക്കുന്നതാണ് ഏറ്റവും സുന്ദരമായ സ്ഥലം...’’ എന്ന ക്യാപ്ഷൻ നൽകിയാണ് ശാലിനി വീഡിയോ പങ്കിട്ടിരിക്കുന്നത്.
വീഡിയോയിൽ ശാലിനി ക്യാമറ തിരിക്കുകയും അവർ നടക്കുന്ന തെരുവുകളുടെ ഒരു നേർക്കാഴ്ച കാണിക്കുകയും ചെയ്യുന്നുണ്ട്. ഇതിനിടയിൽ അജിത്ത് ഒരു പുഞ്ചിരിയോടെ ശാലിനയെ ചേർത്തു പിടിക്കുന്നതും വീഡിയോയിലുണ്ട്. വെള്ള ഷർട്ടും ഹാർട്ട് പെൻഡന്റും ധരിച്ച ശാലിനി വീഡിയോയിൽ വളരെ സുന്ദരിയാണ്. കറുത്ത സ്യൂട്ടും സൺഗ്ലാസും ധരിച്ച് എലഗന്റ് ലുക്കിലാണ് അജിത്ത്.തങ്ങളുടെ പ്രിയ താരദമ്പതിമാരെ റൊമാന്റിക്കായി കണ്ട സന്തോഷത്തിലാണ് ആരാധകർ. ഹാർട്ട് ഇമോജിയും മറ്റും ആരാധകർ വീഡിയോയ്ക്ക് താഴെ കമന്റുകളിലൂടെ നൽകുന്നുണ്ട്.