എമ്പുരാൻ സിനിമയുടെ കഥ തനിക്ക് അറിയില്ല തിയ്യറ്ററിൽ കാണുമ്പോൾ ഉള്ള എക്സ്പീരിയൻസിനാണ് കാത്തിരിക്കുന്നത്;നന്ദു

സിനിമാലോകം വളരെ പ്രതീക്ഷയോടെ കാത്തിരിക്കുന്ന ചിത്രമാണ് എമ്പുരാൻ.ഇതിന്റെ ആദ്യ ഭാഗമായ ലൂസിഫർ സിനിമ കമ്പോളത്തിൽ വലിയ ഓളം സൃഷ്ടിച്ചിട്ടുണ്ട്.എമ്പുരാൻ ചിത്രത്തിന്റെ ഷൂട്ടിംഗ് ഇപ്പോൾ പുരോഗമിക്കുകയാണ്. ഇപ്പോഴിതാ ചിത്രവുമായി ബന്ധപ്പെട്ടു നടൻ നന്ദു നടത്തിയ പരാമർശങ്ങളാണ് ശ്രദ്ധനേടുന്നത്.ചിത്രത്തിന്റെ കഥ പൂർണ്ണമായി അറിയാവുന്നതു ആകെ നാലുപേർക്ക് മാത്രമാണ്.മോഹൻലാൽ,പൃഥിരാജ്,മുരളി ഗോപി, ആന്റണി പെരുമ്പാവൂർ എന്നീ നാലു പേർക്കല്ലാതെ സിനിമയിലെ വില്ലൻ ആരാണെന്നു പോലും തനിക്കറിയില്ലെന്നും നന്ദു പറഞ്ഞു.

'സത്യം പറഞ്ഞാൽ എമ്പുരാനിൽ വില്ലൻ ആരാണെന്നു എനിക്കും അറിയില്ല ഇത് എഴുതിയ മുരളി ഗോപി,സംവിധായകൻ പൃഥിരാജ്,നിർമ്മിക്കുന്ന ആന്റണി പെരുമ്പാവൂർ ഇതിലെ നായകൻ മോഹൻലാൽ ഇവർ നാല് പേർക്കേ ഇതിന്റെ കഥ എന്തെന്ന് അറിയുകയുള്ളൂ.'

മോഹൻലാലിന്റെ കഥാപാത്രത്തിന് വേറൊരു മുഖം കൂടെ ഉണ്ടല്ലോ.ഇതിലും രണ്ടു കഥാപാത്രങ്ങളുണ്ട്. അതുകൊണ്ട് തന്നെ രണ്ടു ട്രാക്കുകളുമുണ്ട്. ഇതിൽ ഏതാ ട്രാക്കാ, എങ്ങനെയാ പോകുന്നതെന്ന് കാടു കയറി ചിന്തിക്കേണ്ടുന്ന കാര്യം ഇല്ല നമുക്ക് തന്നത് അഭിനയിച്ചു പോകുക എന്നതേയുള്ളു.

ഇനി അഥവാ സിനിമയുടെ കഥ പറയാം എന്ന് രാജു പറഞ്ഞാലും എനിക്ക് അറിയേണ്ട എന്നെ ഞാൻ പറയൂ.ഇത് തീയ്യറ്ററിൽ കാണുമ്പൊൾ ഉള്ള ഒരു സുഖം ഇല്ലേ അത് ഫീൽ ചെയ്താൽ മതി കഥ അറിഞ്ഞാൽ ആ ഫീൽ പോയില്ലേ, എന്നെ സംബന്ധിച്ചിടത്തോളം തിയ്യറ്ററിൽ കാണുമ്പൊൾ ഉള്ള എക്സ്പീരിയൻസ് ആണ് കാത്തിരിക്കുന്നത്."നന്ദുവിന്റെ വാക്കുകൾ.