പുതിയ ലുക്കിൽ സൂര്യ; സൂര്യ 44 ന്റെ ചിത്രീകരണം ആരംഭിച്ചു

കാർത്തിക് സുബ്ബരാജും സൂര്യയും ആദ്യമായി ഒന്നിക്കുന്ന സിനിമയുടെ ചിത്രീകരണം ആരംഭിച്ചു. എൺപതു കാലഘട്ടങ്ങളിലെ ലുക്കിൽ സൂര്യയുടെ പുതിയ വീഡിയോ സംവിധായകൻ കാർത്തിക് സുബ്ബരാജ് സമൂഹ മാധ്യമങ്ങളിൽ പങ്കു വച്ചിരുന്നു. സിനിമയുടെ 'ആദ്യ ഷോട്ട്' എന്ന തലക്കെട്ടോടു കൂടെയാണ് വീഡിയോ പങ്കു വച്ചത്.

മലയാളി താരങ്ങളായ ജയറാമും, ജോജു ജോർജും ചിത്രത്തിൽ പ്രധാന വേഷങ്ങൾ ചെയ്യുന്നുണ്ട്. സൂര്യയുടെ നായികയായി പൂജ ഹെഗ്‌ഡെ ആവും എത്തുക. സൂര്യയുടെ സിനിമാ ജീവിതത്തിലെ 44 -ാം ചിത്രമാണിത്. സുധ കൊങ്കരയുമൊത്തുള്ള സിനിമയുടെ ചിത്രീകരണം മാറ്റിവച്ചതോടെയാണ് കാർത്തിക് സുബ്ബരാജുമൊത്തുള്ള സിനിമയിലേക്ക് എത്തിയത്. ആരാധകർ ഏറെ പ്രതീക്ഷയോടെ കാത്തിരിക്കുന്ന ഒരു ചിത്രം കൂടെയാണ് കാർത്തിക് സുബ്ബരാജിന്റെ ഈ ചിത്രവും. ഇതേ സംവിധായകന്റെ ഒടുവിലത്തെ ചിത്രമായ 'ജിഗർതാണ്ട ഡബിൾ എക്സ്' ഏറെ നിരൂപക പ്രശംസ നേടിയ ചിത്രമായിരുന്നു. സൂര്യയുടെ പ്രൊഡക്ഷൻ കമ്പനിയായ 2ഡി എന്റർടെയ്ൻമെന്റ്സും, കാർത്തിക് സുബ്ബരാജിന്റെ സ്റ്റോൺബെഞ്ച് ഫിലിംസും ചെർന്നാണ് ചിത്രം നിർമ്മിക്കുന്നത്. അടുത്തതായി സൂര്യയുടെ റിലീസിനൊരുങ്ങുന്ന ചിത്രം ശിവയുടെ സംവിധാനത്തിൽ വരുന്ന കങ്കുവയാണ്. 300 കോടി ബഡ്ജറ്റിൽ വരുന്ന ചിത്രം പത്തിലധികം ഭാഷകളിലാവും എത്തുക.