രായൻ സിനിമയുടെ അപ്‍ഡേറ്റ് പുറത്തുവിട്ട് അണിയറ പ്രവർത്തകർ

സംവിധായകനായും നടനായും ധനുഷ് എത്തുന്ന ചിത്രം രായൻ ജൂലൈ 26നായിരിക്കും റിലീസ് ചെയ്യുക. വൻ പ്രതീക്ഷകളാണ് പ്രേക്ഷകര്‍ക്ക് രായനില്‍ ഉള്ളത്. ധനുഷിന്‍റെ കരിയറിലെ 50മത്തെ ചിത്രമാണ് രായന്‍ എന്നുള്ളതാണ് മറ്റൊരു പ്രത്യേകത. സിനിമയുടെ റിലീസ് ബന്ധപ്പെട്ട വിവരം പുറത്തു വിട്ടിരിക്കുകയാണ് നിര്‍മ്മാതാക്കളായ സണ്‍ പിക്ചേര്‍സ്.

നേരത്തെ ചിത്രത്തിന്‍റെ റിലീസ് ജൂലൈ 14 വച്ചിരുന്നെങ്കിലും പിന്നീട് കമല്‍ഹാസന്‍റെ ഇന്ത്യന്‍ 2 ഇതിനോട് അടുപ്പിച്ച് റിലീസാകുന്നതിനാല്‍  ക്ലാഷ് ഒഴിവാക്കാന്‍ മാറ്റിയെന്നാണ് കോളിവുഡിലെ സംസാരം. പുതിയ വിവരം അനുസരിച്ച ചിത്രം ജൂലൈ 26 നു ആയിരിക്കും റിലീസ് ചെയ്യുക. കേരളത്തില്‍ രായൻ ഗോകുലം മൂവീസാണ് തിയറ്ററുകളില്‍ വിതരണത്തിന് എത്തിക്കുക.

മലയാളത്തില്‍ നിന്ന് അപര്‍ണ ബാലമുരളിക്ക് പുറമേ ചിത്രത്തില്‍ നിത്യ മേനൻ, കാളിദാസ് ജയറാം എന്നിവരും എത്തുമ്പോള്‍ ധനുഷ് സംവിധായകനായ രായനില്‍ മറ്റ് പ്രധാന താരങ്ങള്‍ സുന്ദീപ് കിഷൻ, വരലക്ഷ്‍മി ശരത്‍കുമാര്‍, ദുഷ്‍റ വിജയൻ. എസ് ജെ സൂര്യ, പ്രകാശ് രാജ്, സെല്‍വരാഘവൻ എന്നിവരാണ്. സംഗീതം എ ആര്‍ റഹ്‍മാനാണ്. സണ്‍ പിക്ചേഴാണ് നിര്‍മാണം. എന്താണ് പ്രമേയം എന്ന് പുറത്തുവിട്ടില്ല. ചിത്രത്തിന്റെ റിലീസ് 2024ല്‍ തന്നെയുണ്ടാകും.