ഫഹദ് ഫാസിൽ ജീത്തു ജോസഫ് കൂട്ടുകെട്ടിൽ പുത്തൻ ചിത്രം; തിരക്കഥ ശാന്തി മായാദേവി

സംവിധായകൻ ജീത്തു ജോസഫിൻറെ പുതിയ ചിത്രത്തിൽ നായകനായി ഫഹദ് ഫാസിൽ. സോഷ്യൽ മീഡിയയിലൂടെയായിരുന്നു ജീത്തു ജോസഫ് സിനിമയുടെ പ്രഖ്യാപനം നടത്തിയത്. ശാന്തി മായാദേവിയാണ് ചിത്രത്തിനായി തിരക്കഥ ഒരുക്കുന്നത്.

ഇ-ഫോർ എന്റർടെയിൻമെന്റിൻ്റെ ബാനറിലാണ് ചിത്രം ഒരുങ്ങുന്നത്. ചിത്രത്തെക്കുറിച്ചുള്ള കൂടുതൽ വിവരങ്ങൾ പുറത്തുവിട്ടിട്ടില്ല. മോഹൻലാൽ നായകനായ നേര് ആണ് ജീത്തു ജോസഫിൻ്റെ സംവിധാനത്തിൽ ഒടുവിലായി പുറത്തിറങ്ങിയ ചിത്രം.ശാന്തി മായാദേവിയും ജീത്തു ജോസഫും ചേർന്നായിരുന്നു തിരക്കഥ. മോഹൻലാലിനെ നായകനാക്കി ഒരുക്കുന്ന റാമിൻ്റെ പണിപ്പുരയിലാണ് സംവിധായകനിപ്പോൾ.