ബേസിൽ-നസ്രിയ കോംബോയിൽ പുതിയ സിനിമ ഒരുങ്ങുന്നു.

ബേസിൽ ജോസഫിന്റെ നായികയായി നസ്രിയ വീണ്ടും മലയാളത്തിലേക്ക്. എം.സി. ജിതിൻ സംവിധാനം ചെയ്യുന്ന 'സൂക്ഷ്മദർശിനി' എന്ന ചിത്രത്തിലൂടെയാണ് താരം വീണ്ടും മലയാളത്തിലേക്ക് എത്തുന്നത്. ചിത്രത്തിൽ സിദ്ധാർഥ് ഭരതനും പ്രതാന വേഷത്തിൽ എത്തുന്നു. നാലു വർഷത്തെ ഇടവേളയ്ക്ക് ശേഷം നസ്രിയ അഭിനയിക്കുന്ന മലയാള സിനിമ എന്ന പ്രത്യേകതയും സൂക്ഷ്മദർശിനീ എന്ന ചിത്രത്തിനുണ്ട്. 2018 ൽ ഇറങ്ങിയ നോൺസെൻസ് എന്ന ചിത്രത്തിലൂടെ സംവിധായകനായി വന്ന ജിതിന്റെ രണ്ടാമത്തെ ചിത്രമാണ് 'സൂക്ഷ്മദർശിനി'.

ദീപക് പറമ്പോൽ, മെറിൻ ഫിൽപ്പ്, അഖില ഭാർഗവൻ, പൂജ മോഹൻരാജ്, കോട്ടയം രമേഷ് തുടങ്ങിയവരും ചിത്രത്തിലുണ്ട്. ചിത്രത്തിന്റെ ഷൂട്ടിങ് കോലഞ്ചേരിയിൽ ആരംഭിച്ചു. ഹാപ്പി അവേഴ്സിന്റെ ബാനറിൽ സമീർ താഹിറും ഷൈജു ഖാലിദുമാണ് ചിത്രം നിർമിക്കുന്നത്. എ വി എ പ്രൊഡക്ഷൻസും നിർമാണത്തിൽ പങ്കാളിയാണ്.



എക്സിക്യൂട്ടീവ് പ്രൊഡ്യൂസേഴ്സ്, ഇംതിയാസ് കദീർ, സനു താഹിർ, ഛായാഗ്രഹണം: ശരൺ വേലായുധൻ, ചിത്രസംയോജനം, ചമൻ ചാക്കോ, സൗണ്ട് ഡിസൈൻ, വിഷ്ണു ഗോവിന്ദ്. തുടർച്ചയായി വിജയ സിനിമകളുടെ ഭാഗമായി വരുന്ന ബേസിൽ ജോസെഫിന്റെ ഒപ്പം നസ്രിയ കൂടി എത്തുമ്പോൾ പ്രതീക്ഷകളും ഏറെയാണ്.