വിപണി കീഴടക്കാന്‍ നാളെ റെഡ്മി നോട്ട് 6 പ്രോയെത്തുന്നു

ഷവോമിയുടെ പുതിയ ഫോണ്‍ റെഡ്മി നോട്ട് 6  പ്രോ വെള്ളിയാഴ്ച പുറത്തിറങ്ങും. റെഡ്മി 5ന്റെ മികച്ച പ്രതികരണത്തെ തുടര്‍ന്ന് വിപണിയില്‍ ജനകീയമായ ഷവോമിയുടെ ഈ പുതു തലമുറക്കാരനെ കാത്തിരിക്കുകയാണ് ആരാധകര്‍.

ഫ്ളിപ്പ് കാര്‍ട്ട്, എം.ഐ.ഡോട്ട് കോം എന്നീ സൈറ്റുകള്‍ മുഖേനയാണ് വില്‍പ്പന. 4ജിബി, 5ജിബി, 6ജിബി റാം വേരിയന്റുകളില്‍ 64ജിബി സ്റ്റോറേജ് കപ്പാസിറ്റിയാണ് റെഡ്മി നോട്ട് 6ന്റെ പ്രത്യേകത.

ബ്ലാക്ക്, റോസ്, ഗോള്‍ഡ്, ബ്ലു, റെഡ് നിറങ്ങളിലാണ് ഫോണ്‍ പുറത്തിറങ്ങുന്നത്. വില സംബന്ധിച്ച യാതൊരു വിവരങ്ങളും കമ്പനി പുറത്തു വിട്ടിട്ടില്ല. എങ്കിലും 15,000 രൂപയ്ക്ക് മുകളിലായിരിക്കും വില എന്ന് കരുതപ്പെടുന്നു.