നത്തിംഗ് ഫോണിന് ഇന്ത്യയില്‍ വില കൂട്ടി

ദില്ലി:  ഫോണ്‍ ഇന്ത്യന്‍ വിപണിയിലെത്തിയിരിക്കുന്നത് ഫ്‌ലിപ്കാര്‍ട്ട് വഴിയാണ്.ഏതാനും ആഴ്ചകള്‍ക്ക് മുമ്പാണ് നത്തിങ് ഫോണ്‍  ഇന്ത്യയില്‍ ലോഞ്ച് ചെയ്തത്.ഐഫോണില്‍ നിന്നും പ്രചോദിതമായ ഡിസൈനാണ് നത്തിങ് ഫോണ്‍.ഗ്ലിഫ് ഇന്റര്‍ഫേസിന്റെ പുതുമ കൂടിയാകുമ്പോള്‍ നത്തിങ് ഫോണ്‍ ആകര്‍ഷകമാകുന്നുവെന്നതാണ് യാഥാര്‍ഥ്യം.

കറന്‍സി നിരക്കിലുണ്ടായ വ്യതിയാനവും വര്‍ധിച്ചുവരുന്ന വില കയറ്റവുമാണ് ഫോണിന്റെ വില വര്‍ധിപ്പിക്കാന്‍ കാരണമെന്ന് ട്വീറ്റില്‍ പറയുന്നു. ഇതെ സാഹചര്യത്തിലൂടെ കടന്നു പോകുന്ന കമ്പനികളാണ് ഷാവോമി, സാംസങ് എന്നിവ. ഇവ ഷാവോമി, സാംസങ് തങ്ങളുടെ സബ്-പ്രീമിയം മോഡലുകള്‍ക്ക് ഇതുവരെ വില വര്‍ധിപ്പിച്ചിട്ടില്ല.

എന്നാല്‍ വിപണിയിലെ തുടക്കകാരായ നത്തിംഗ് നടത്തിയ ഈ നീക്കം ബാക്കിയുള്ള സ്മാര്‍ട്ട് ഫോണ്‍ കമ്പനികള്‍ പിന്തുടരാന്‍ സാധ്യതയുണ്ടെന്നാണ് വിപണി വൃത്തങ്ങള്‍ പറയുന്നത്. നത്തിംഗ് ഫോണിന് ഇന്ത്യയില്‍ വില കൂട്ടി. 1000 രൂപയുടെ വര്‍ധനവാണ് റിപ്പോര്‍ട്ട് ചെയ്തിരിക്കുന്നത്.ഫോണിന്റെ മൂന്ന് വേരിയന്റുകള്‍ക്കും വിലവര്‍ധനവ് ബാധകമാണ്.നത്തിംഗ് ഫോണ്‍ ഇന്ത്യയുടെ ജനറല്‍ മാനേജറായ മനുശര്‍മയാണ് ട്വിറ്ററിലൂടെ ഇക്കാര്യം അറിയിച്ചത്.

ഇത് ചിലപ്പോള്‍ വിവിധ ഉത്സവ സീസണുകളിലേക്ക് കടക്കുന്ന ഇന്ത്യന്‍ സ്മാര്‍ട്ട് ഫോണ്‍ വിപണിയിലെ ഉപയോക്താക്കള്‍ക്ക് ചെറിയ നിരാശയുണ്ടാക്കിയേക്കാം. 32,999 രൂപയ്ക്ക് പുറത്തിറക്കിയ ഫോണിന്റെ 8ജിബി / 128 ജിബി സ്റ്റോറേജ് വേരിയന്റ് ഇനി മുതല്‍ 33,999 രൂപയ്ക്കാകും വില്‍ക്കുക. 8 ജിബി /256ജിബി വേരിയന്റിന് 35,999 രൂപയ്ക്ക് പകരം 36,999 രൂപയും 12ജിബി/256ജിബി സ്റ്റോറേജ് മോഡലിന് അതിന്റെ മുന്‍ വിലയായ 38,999 രൂപയില്‍ നിന്ന് 39,999 രൂപയുമാകും ഇനിയുണ്ടാകുക.

ലണ്ടന്‍ ആസ്ഥാനമായുള്ള നത്തിംങ് കമ്പനിയുടെ ആദ്യ സ്മാര്‍ട്ട്ഫോണാണിത്. 6.55 ഇഞ്ച് ഒഎല്‍ഇഡി ഡിസ്പ്ലേ, 120Hz പുതുക്കല്‍ നിരക്ക്, ക്വാല്‍കോം സ്നാപ്ഡ്രാഗണ്‍ 778G+ SoC, 50 മെഗാപിക്സല്‍ ഡ്യുവല്‍ റിയര്‍ ക്യാമറ സജ്ജീകരണം, 33W ഫാസ്റ്റ് ചാര്‍ജിംഗുള്ള 4,500mAh ബാറ്ററി എന്നിവയുമായാണ് ഇത് വന്നത്.നത്തിംഗ് ഫോണ്‍ 1 ആന്‍ഡ്രോയിഡ് 12 നെ പോലെ പ്രവര്‍ത്തിക്കും. കൂടാതെ HDR10+ പിന്തുണയോടെ വരുന്ന 120Hz സാംസങ് E4 അമോള്‍ഡ് ഡിസ്പ്ലേയും TUV റെയിന്‍ലാന്‍ഡ് സര്‍ട്ടിഫിക്കേഷനും ഉണ്ട്.

8 ജിബി റാമും 128 ജിബി ഓണ്‍ബോര്‍ഡ് സ്റ്റോറേജും സഹിതം സ്നാപ്ഡ്രാഗണ്‍ 778G+ SoC ആണ് ഇത് നല്‍കുന്നത്.ഒപ്റ്റിക്കല്‍ ഇമേജ് സ്റ്റെബിലൈസേഷന്‍ (OIS) ഉള്ള ഡ്യുവല്‍ പിന്‍ ക്യാമറകളും 4,500mAh അല്ലെങ്കില്‍ 5,000mAh ബാറ്ററിയും 45W ഫാസ്റ്റ് ചാര്‍ജിംഗും ഈ സ്മാര്‍ട്ട്ഫോണിന്റെ പ്രത്യേകതയാണെന്ന് റിപ്പോര്‍ട്ടുകള്‍ പറയുന്നു.

വയര്‍ലെസ് ചാര്‍ജിംഗ്, റിവേഴ്‌സ് വയര്‍ലെസ് ചാര്‍ജിംഗ് എന്നിവയും ഇതില്‍ ഉള്‍പ്പെടുന്നുവെന്ന് പറയപ്പെടുന്നു. പിന്‍ പാനലില്‍ എല്‍ഇഡി ലൈറ്റുകള്‍ ഉണ്ട്.റിട്ടേണ്‍ ടു ഇന്‍സ്ട്രിക്റ്റ് എന്ന വെര്‍ച്വല്‍ പ്ലാറ്റ്‌ഫോം വഴിയാണ് ജൂലൈ 12 ന് നത്തിംഗ് ഫോണ്‍ 1 ലോഞ്ച് ചെയ്തത്.