അവിസ്മരണീയമായ നേട്ടമാണിതെന്ന് സഞ്ജു; 'നന്ദി ചേട്ടാ' എന്ന് മിന്നു മണി

ധാക്ക: ബംഗ്ലാദേശിനെതിരായ ട്വന്റി 20 പരമ്പരയിലെ ആദ്യ മത്സരത്തില്‍ അരങ്ങേറ്റം കുറിച്ച മിന്നു മണി തന്റെ ആദ്യ ഓവറിലെ നാലാം പന്തില്‍ വിക്കറ്റ് സ്വന്തമാക്കിയിരുന്നു.

മലയാളി താരം മിന്നു മണിയെ പ്രശംസിച്ച് എത്തിയിരിക്കുകയാണ് മറ്റൊരു ഇന്ത്യന്‍ മലയാളി ക്രിക്കറ്റര്‍ സഞ്ജു സാംസണ്‍.

'ഹായ് മിന്നു, ഇന്ത്യന്‍ ടീമിലേക്ക് തെരഞ്ഞെടുക്കപ്പെട്ടതിന് അഭിനന്ദനങ്ങള്‍. അവിസ്മരണീയമായ നേട്ടമാണിത്. നിങ്ങളെയോര്‍ത്ത് നാമെല്ലാം അഭിമാനിക്കുന്നു' എന്നാണ് മിന്നുവിന് സഞ്ജു അയച്ച സന്ദേശം.

ഈ മെസേജിന്റെ സ്‌ക്രീന്‍ ഷോട്ട് മിന്നു മണി ഇന്‍സ്റ്റഗ്രാം സ്റ്റോറിയിലൂടെ ആരാധകര്‍ക്കായി പങ്കുവെച്ചിട്ടുണ്ട്. 'നന്ദി സഞ്ജു ചേട്ടാ' എന്ന കുറിപ്പോടെയാണ് മിന്നു മണിയുടെ ഇന്‍സ്റ്റഗ്രാം സ്റ്റോറി.

" width="100%" height="411" frameborder="0" allowfullscreen="allowfullscreen">