ഇന്ത്യൻ വനിതകൾ വെങ്കലം അമ്പെയ്തിട്ടു

ഹാങ്ചൗ: അമ്പെയ്ത്തില്‍ വനിതകളുടെ റിക്കര്‍വ് ഇനത്തിലാണ് ഇന്ത്യ വെങ്കലം നേടി . വിയറ്റ്‌നാമിനെ 6-2 ന് തകര്‍ത്താണ് ഇന്ത്യന്‍ വനിതകളുടെ നേട്ടം. അങ്കിത ഭഗത്, സിമ്രന്‍ജീത് കൗര്‍, ഭജന്‍ കൗര്‍ എന്നിവരാണ് ഇന്ത്യയ്ക്ക് വേണ്ടി മെഡല്‍ നേടിക്കൊടുത്തത്.

അമ്പെയ്ത്തിലെ ക്വാര്‍ട്ടര്‍ ഫൈനലില്‍ ജപ്പാനെ 2-0ത്തിന് തകര്‍ത്താണ് ഇന്ത്യന്‍ വനിതകള്‍ സെമിയിലെത്തിയത്. പക്ഷെ സെമിയില്‍ ദക്ഷിണ കൊറിയയോട് ഇന്ത്യ പരാജയപ്പെട്ടു. 6-2 എന്ന സ്‌കോറിനായിരുന്നു ഇന്ത്യന്‍ വനിതകള്‍ കൊറിയയോട് പരാജയം വഴങ്ങിയത്.

ഇതോടെ ഇന്ത്യയുടെ ആകെ മെഡല്‍ നേട്ടം 87 ആയി. 21 സ്വര്‍ണവും 32 വെള്ളിയും 34 വെങ്കലവുമായി മെഡല്‍ പട്ടികയില്‍ നാലാം സ്ഥാനത്താണ് ഇന്ത്യ.