ഏഷ്യന്‍ ഗെയിംസ്: പുരുഷ വോളിബോളില്‍ ഇന്ത്യയ്ക്ക് വിജയത്തുടക്കം

ഹാങ്ചൗ: 2023ലെ ഏഷ്യന്‍ ഗെയിംസില്‍ പുരുഷ വോളിബോള്‍ മത്സരത്തില്‍ കംബോഡിയയെ 3-0ന് തകര്‍ത്ത് ഇന്ത്യ. 25-14, 25-13, 25-19 എന്ന സ്‌കോറിനാണ് ഇന്ത്യയുടെ വിജയം. വോളിയിലെ ഗ്രൂപ്പ് മത്സരത്തില്‍ ഇന്ത്യ നാളെ ദക്ഷിണ കൊറിയയെ നേരിടും.

ഏഷ്യന്‍ ഗെയിംസ് 19-ാം പതിപ്പിലെ മത്സരങ്ങള്‍ക്കാണ് ചൊവ്വാഴ്ച തുടക്കമായത്. ചൈനയിലെ ഹാങ്ചൗവില്‍ നടക്കുന്ന മത്സരങ്ങളുടെ ഔദ്യോഗിക ഉദ്ഘാടനം സെപ്റ്റംബര്‍ 23 നാണ്. 655 താരങ്ങള്‍ ഉള്‍പ്പെടുന്ന വലിയ നിരയുമായാണ് ഇന്ത്യ ഏഷ്യന്‍ ഗെയിംസിന് എത്തിയത്.