ഓസ്‌ട്രേലിയയ്ക്ക് എതിരായ ടെസ്റ്റ് പാരമ്പരയ്ക്കായുള്ള പാകിസ്ഥാൻ ടീം പ്രഖ്യാപിച്ചു

ഓസ്ട്രേലിയയ്ക്കെതിരെ വരാനിരിക്കുന്ന ടെസ്റ്റ് പരമ്പരയ്ക്കുള്ള 18 അംഗ ടീമിനെ പാകിസ്ഥാൻ പ്രഖ്യാപിച്ചു. പുതുതായി നിയമിതനായ ചീഫ് സെലക്ടർ വഹാബ് റിയാസ് വാർത്താ സമ്മേളനത്തിൽ അവരുടെ ടീമിനെ പ്രഖ്യാപിച്ചു.

പാക്കിസ്ഥാന്റെ ടെസ്റ്റ് ക്യാപ്റ്റനെന്ന നിലയിൽ ഷാൻ മസൂദിന്റെ കന്നി ദൗത്യം കൂടിയാണ് വരാനിരിക്കുന്ന പരമ്പര, ഇടംകൈയ്യൻ ബാറ്റർ സയിം അയൂബും ഫാസ്റ്റ് ബൗളർ ഖുറം ഷെഹ് സാദും ആദ്യമായി ടെസ്റ്റ് ടീമിൽ ഇടം നേടി.

പ്രൈംമിനിസ്റ്റേഴ്സ് ഇലവനെതിരായ നാലു ദിവസത്തെ സന്നാഹ മത്സരത്തോടെയാണ് പാക്കിസ്ഥാന്റെ ഓസ്ട്രേലിയൻ പര്യടനം ആരംഭിക്കുന്നത്.

ഡിസംബർ 14 മുതൽ പെർത്ത് സ്റ്റേഡിയത്തിലാണ് ഉദ്ഘാടന ടെസ്റ്റ്. ഡിസംബർ 26 മുതൽ ജനുവരി 3 വരെ മെൽബണും സിഡ്‌നിയും ശേഷിക്കുന്ന ടെസ്റ്റുകൾക്ക് ആതിഥേയത്വം വഹിക്കും.