മലേഷ്യ ഓപ്പണ്‍: ലക്ഷ്യസെന്നിനെ തകര്‍ത്ത് എച്ച്എസ് പ്രണോയ് പ്രീക്വാര്‍ട്ടറില്‍

ക്വാലാലംപൂര്‍: മലേഷ്യ ഓപ്പണ്‍ ബാഡ്മിന്റണില്‍ എച്ച് എസ് പ്രണോയ് പ്രീക്വാര്‍ട്ടറില്‍ കടന്നു. ലക്ഷ്യ സെന്നിനെ തകര്‍ത്താണ് പ്രണോയ് പ്രീക്വാര്‍ട്ടറില്‍ കടന്നത്.

മൂന്ന് ഗെയിം നീണ്ട പോരാട്ടത്തിനൊടുവിലാണ് പ്രണോയിയുടെ ജയം. ആദ്യ ഗെയിം നഷ്ടമായ ശേഷം ശക്തമായി തിരിച്ചെത്തുകയായിരുന്നു പ്രണോയ്. സ്‌കോര്‍: 22-24, 21-12, 21-18. പ്രണോയ് ലോക എട്ടാം നമ്പറും ലക്ഷ്യ 10-ാം നമ്പര്‍ താരവുമാണ്. പ്രീക്വാര്‍ട്ടറില്‍ ഇന്തോനേഷ്യന്‍ താരമാണ് പ്രണോയിയുടെ എതിരാളി.