ലങ്കക്കെതിരായ പരമ്പരയില്‍ നിന്ന് സൂപ്പര്‍ താരം പുറത്ത്

മുംബൈ: ഫിറ്റ്‌നസ് പ്രശ്‌നങ്ങളെ തുടര്‍ന്ന് ശ്രീലങ്കക്കെതിരായ ഏകദിന പരമ്പരയില്‍ നിന്ന് ഇന്ത്യയുടെ ബൗളിംഗ് കുന്തമുനയായ ജസ്പ്രീത് ബുംറ പുറത്ത്.

ലങ്കക്കെതിരായ ഏകദിന പരമ്പരക്കുള്ള ഇന്ത്യന്‍ ടീമില്‍ ബുംറയെ ബിസിസിഐ തിരഞ്ഞെടുത്തിരുന്നു. എന്നാല്‍ ഇത്തവണ ഇന്ത്യയുടെ വജ്രായുധത്തെ വെച്ച് റിസ്‌ക് എടുക്കാന്‍ തയ്യാറാല്ലെന്ന സൂചനയാണ് ബിസിസിഐ നല്‍കുന്നത്. പുര്‍ണ്ണ ഫിറ്റ്‌നസിലേക്ക് മടങ്ങാന്‍ കുറച്ച് സമയമെടുക്കുമെന്നാണ് വിവരം.

കഴിഞ്ഞ വര്‍ഷം സെപ്തംബറില്‍ ഓസ്‌ട്രേലിയക്കെതിരായ ട്വിന്റി20യിലാണ് ബുംറ അവസാനമായി ഇന്ത്യക്കായി കളിച്ചത്. ഏഷ്യാകപ്പും ട്വിന്റി20 ലോകകപ്പും ഉള്‍പ്പെടെ നിരവധി വലിയ പരമ്പരകള്‍ താരത്തിന് നഷ്ടമാകുകയും ചെയ്തിരുന്നു. ബുംറയുടെ അസാന്നിധ്യം ടൂര്‍ണ്ണമെന്റിലെ ഇന്ത്യയുടെ മോശം പ്രകടനത്തിന് പിന്നിലെ ഏറ്റവും വലിയ കാരണമായി വിലയിരുത്തലുകളുണ്ടായിരുന്നു.