സ്വന്തം തട്ടകത്തിൽ അർജന്റീനയെ തകർക്കാൻ ബ്രസീൽ

റിയോ ഡി ജനീറോ: ലോകകപ്പ് ഫുട്ബോൾ യോഗ്യത മത്സരത്തിൽ ബുധനാഴ്ച അർജന്റീന ബ്രസീലിനെ നേരിടും. ബ്രസീലിലെ റിയോ ഡി ജനീറോ മാറക്കാന സ്റ്റേഡിയത്തിൽ ഇന്ത്യൻ സമയം രാവിലെ ആറിനാണ് സൂപ്പർ പോരാട്ടം.മത്സരം ഫാൻകോഡ് ആപ് വഴി തത്സമയം കാണാം.

ക്വാളിഫയർ റൗണ്ടിലെ അവസാന മത്സരം തോറ്റ ഇരുടീമുകൾക്കും ജയം അഭിമാനപ്രശ്നമാണ്. അവസാന മത്സരത്തിൽ ബ്രസീൽ കൊളംബിയയോട് 2–1 തോറ്റപ്പോൾ യുറഗ്വായ്ക്കെതിരെ 2–0നായിരുന്നു അർജന്റീനയുടെ പരാജയം. മത്സരത്തിനുള്ള 69000 ടിക്കറ്റുകളും ഇതിനോടകം വിറ്റുപോയതായി മാറക്കാന സ്റ്റേഡിയം അധികൃതർ അറിയിച്ചു.