മലപ്പുറത്ത് കടകളിലേക്ക് പാഞ്ഞുകയറി കാട്ടുപന്നിക്കൂട്ടം; പിന്നാലെ ആക്രമണം, ഒടുവിൽ പത്തെണ്ണത്തെയും വെടിവെച്ച് കൊന്നു

മലപ്പുറം: കൂട്ടത്തോടെ കടകളിലേക്ക് കടകളിലേക്ക് പാഞ്ഞുകയറി കാട്ടുപന്നികൾ.പാണ്ടിക്കാട് തച്ചിങ്ങനാടം അരിക്കണ്ടംപാക്ക് എന്ന സ്ഥലത്താണ് 10 കാട്ടുപന്നികൾ കടകളിലേക്ക് പാഞ്ഞു കയറിയത്.തുറന്ന് പ്രവർത്തിച്ചുകൊണ്ടിരിക്കുന്ന കടയിലേക്കാണ് പന്നികൾ ഓടിക്കയറിയത്.

കച്ചവടസ്ഥാപനങ്ങളിലെ സാധനങ്ങൾ നശിപ്പിക്കുകയും ചെയ്തു. പന്നികൾ കൂട്ടത്തോടെ ഇരച്ചുകയറിയതോടെ കടയിൽ നിന്ന് ജീവനക്കാർ ഇറങ്ങിയോടി. നിർത്തിയിട്ടിരുന്ന മൂന്ന് വാഹനങ്ങളും പന്നികൾ തകർത്തു.ആക്രമണത്തിന് പിന്നാലെ പഞ്ചായത്ത് സെക്രട്ടറി പന്നികളെ വെടിവച്ച് കൊല്ലാൻ ഉത്തരവിട്ടു.

തുടർന്ന് ഷൂട്ടർമാർ പന്നികളെ വെടിവെച്ച് കൊലപ്പെടുത്തുകയായിരുന്നു.പൊലീസും പഞ്ചായത്ത്-വില്ലേജ് അധികൃതരും സംഭവസ്ഥലത്തെത്തി. പത്ത് പന്നികളെയും വെടിവെച്ചുകൊന്നു. മങ്കടയിൽ നിന്നുള്ള വിദഗ്ധ സംഘമാണ് പന്നികളെ തുരത്തിയത്. ബുധനാഴ്ച രാവിലെ 10.30ഓടെയാണ് സംഭവം.